Хөдөө аж ахуйн таримал тариалах агробиологийн үндэслэл
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1996-2000
Санхүүжилт: 5700.0 мян.төг
Түлхүүр үг : бүс, уринш, чийг, ялзмаг, сорт, цацах, усталт
Үр дүн
1. Газар тариалангийн үндсэн бүсүүдэд ургац хязгаарлаж байгаа үндсэн хүчин зүйлийн чийгийн дутагдал байна. Үр тарианы чийгийн дутагдал уриншинд 20-50% буюу 20-40мм, гуурстай талбайд 45-75% буюу 40-67мм хүрч байна. Иймээс угтвар чийг нь ургац тодорхойлдог Монгол орны бухаар тариаланд уриншгүйгээр үр тариа тариалах боломжгүй байгаа тул түүний технологийг боловсронгуй болгох зайлшгүй шаардлагатай.
2. Уринш үр тариа, өргөн мөрт таримал бүхий сэлгээнд эзэмшилт болон ногооны бордуурт уринштай харьцуулбал ялзмагийн задрал 2.5-3.5 дахин эрчимтэй явагдаж байна. Ялзмагийн эрдэсжилт цэвэр уриншинд 0.60т/га, төмс бүхий сэлгээнд 0.77т/га байна.
3. Цаг уурын хувьд хэвийн жилд дунд оройн болцтой Орхон сортыг 10-20/V-нд эртийн болцтой Скала сортыг 15-25/V-нд тарих нь хогтолт багатай чанар сайтай өндөр ургац өгөх боломжтой байна.
4. Үет хог ургамалтай талбайд Пумасупер 0.6л/га, Ассерт 2.0л/га тунгаар цацахад усталт 86-96% хүрч ургац хяналттай харьцуулбал чийглэг жил 4-7ц/га гандуу жил 2.1-2.5ц/га нэмэгдэх бололцоотой байна.