Хөрсний үржил шим
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1996-2000
Санхүүжилт: 34942.4 мян.төг
Түлхүүр үг : тэжээлийн бодис, ялзмагжилт, коэффицент, буудай, вандуй, бууц, сүрэл
Үр дүн
1. Монгол орны үр тарианы таримлын талбайн хөрсний ургамалд хялбар ашиглагдах тэжээлийн бодисын баланс: азот -70.5, фосфор -50.7, кали -87.5, төмсний талбайнх -52.9, +10.4, -65.0, хүнсний ногооны талбайнх тус тус -37.6, +18.1, -52.7 хувийн алдагдалтай байгааг тогтоов.
2. Хөрсний үржил шимийг сайжруулах, таримлын ургацыг тогтвортой нэмэгдүүлэхэд га-д 1.5т сүрэл буюу 10-20т бууцаар бордохын зэрэгцээ үр тариаг N47P17K12, төмсийг N104P17K108, хүнсний ногоог N81P47K81 кг-аар системтэй бордох хэрэгцээг тооцов.
3. Атар эзэмшиж тариалан эрхэлсэн сүүлийн 40-өөд жилийн явцад хөрсний ялзмагийн нөөц 28.9-37.9 хувиар буурсан. 1.9-1.0 хувийн ялзмагтай талбай нийт эргэлтийн талбайн 42.3 хувьд хүрсэн байна.
4. Тариалангийн төв бүсийн нөхцөлд уринш-буудайн 3 ээлжтэй сэлгээний нөхцөлд га-д 13т бууц буюу 1.5т сүрлээр бордоход үржил шимийн нөхөн сэргээх боломжтойг судалж бууцны ялзмагжилт 20.5%, сүрлийнх 36.7% болохыг илрүүлэв.