Монгол уламжлалт эм, эмнэлэг-III
Салбар : Анагаах ухаан, эрүүл мэндийн шинжлэх ухаан
Төслийн дугаар : 1701223
Төслийн төрөл : ШУТ төсөл
Хугацаа: 1998-1999
Санхүүжилт: 2258.0 мян.төг
Түлхүүр үг : хоруу чанар, Банздоо, Ямаан сэрдэг, цөс ялгаралт, зогсонгишил, фенолт нэгдэл
Үр дүн
Уг туршилтын үр дүнд эдгээр ургамал нь бие биеийн үйлчилгээг дэмжих үйлдэлтэй, антиоксидант идэвхтэй болох нь ажиглагдсан бөгөөд ийнхүү жор байдлаар судалсан бэлдмэл нь эмчилгээний өргөн хүрээтэй, организмд харшлах зүйлгүй хор багатайгаас гадна амьтны цөс ялгаруулах үйл ажиллагааг сайжруулж, цөсний хуурай үлдэгдлийг багасган цөсийг шингэрүүлэх, цөсний зогсонгишилыг арилгах нөлөөтэй болох нь туршилт судалгаагаар харагдлаа.
Мөн түүнчлэн уг бэлдмэл нь амьтны шээс ялгаралтыг ихэсгэх нөлөөтэй байсны зэрэгцээ тусгаарласан гэдэсний гилгэр булчингийн агшилтыг бага тундаа эрчимжүүлж, их тундаа сулруулан бага зэргийн спазмолитик үйлчилгээ үзүүлж байв. Бэлдмэл нь цөс ялгаралтыг идэвхижүүлэхийн зэрэгцээ элэгний хоргүйжүүлэх үйл ажиллагааг сайжруулах үйлдэлтэй байгаа нь ажиглагдлаа.
Эксперименталь судалгааны үр дүнд элэг цөсний замын эмгэг болон цөс чулуужих өвчин үүсэхээс урьдчилан сэргийлэх, цөсний зогсонгишилыг арилгах үйлдэлтэй Дисахол нэртэй шинэ эм гарган авч, технологийн заавар боловсруулж, ТН, улсын стандарт хийгдэх боломжтой болсон.