Хоол тэжээл-эрүүл мэнд
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 1269.647 мян.төг
Түлхүүр үг : үндсэн шимт бодис, эрдэс бодис, аминдэм, ханасан, ханаагүй, ийлдэс
Үр дүн
Судалгаанд хамрагсдын 31.6% нь хооллох дэглэм баримталдаг, 164 хүн буюу 68.4% нь дэглэм огт баримталдаггүй байна.
Липидийн солилцооны үзүүлэлтүүдийг БЖИ-тэй холбон үзэхэд илүү жин, таргалалттай хүмүүсийн хувьд холестрин, триглицерид, бага ба маш бага нягтралтай липопротейдууд нь БЖИ хэвийн хүмүүсийнхээс илүү байгаа нь t шалгуураар үзэхэд 99.95%-ийн магадлалтай (p=<0.05) батлагдаж байна. УБ хотод амьдрагч хүн амын хоногийн хоолны химийн найрлагаас харахад уураг 68.3 гр, өөх тос 62.7 гр, ханасан тосны хүчил 34.7 гр, ханаагүй тосны хүчил 25.8 гр, нүүрс ус 400.9 гр, илчлэг 2593.8 ккал байна.
Хоол тэжээлийн илчлэгийг бүрдүүлж буй ҮШБ-уудын илчлэгийг хувиар нь авч үзвэл 15:25:60 байх ¸стойгоос хотын хүн амын хоол тэжээлийн найрлагын хувьд энэ харьцаа 11:23:66 болж алдагдсан байна.
Хөдөөгийн хүн амын хоол тэжээлийн илчлэгийн бүрдэлт нь үндсэн шимт бодис тус бүрт 18:31:51 гэсэн харьцаатай байна.
Дүгнэлт
1. Хоол тэжээлээр авч байгаа ханасан тосны хүчлийн хэмжээ ханаагүй тосны хүчлийнхээс их байна.
2. Таргалалттай хүмүүсийн цусны ийлдэс дэх триглицерид, холестрин, бага ба маш бага нягтралтай липопротейдууд их байгаа нь өөх тосны хэрэглээ илүү байгааг харуулж байна.
3. Ханасан тосны хүчлийн эзлэх хувь илүү байгаа нь амьтны гаралтай өөх тос голчлон хэрэглэдэгтэй холбоотой.