Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 850.038 мян.төг
Түлхүүр үг : илчлэг, химийн найрлага, шимт бодис, эслэг, биеийн жин, аминдэм
Үр дүн
Судалгааны үр дүнгээс харахад УБ хотын амьжиргааны баталгаат түвшин (АБТ)-ээс дээгүүр орлоготой өрх 62, дундаж орлоготой өрх 49, доогуур орлоготой өрх 32, хөдөөний АБТ-ээс дээгүүр орлоготой өрх 43, дундаж орлоготой өрх 39, доогуур орлоготой өрх 30 нэр төрлийн хүнсний зүйл хэрэглэж байна. Өрхийн нэг гишүүнд оногдох сарын дундаж орлого багасах тусам хүнсний бүтээгдэхүүний нэр төрөл, хэрэглэх хэмжээ эрс буурч байна.
Өрхийн нэг гишүүнд оногдох хоолны нийт илчлэг УБ хотын АБТ-ээс дээгүүр орлоготой өрхөд 3688.2±274.9 ккал, дундаж орлоготой өрхөд 2356.1±250.2 ккал, доогуур орлоготой өрхөд 1872.29±423.1 ккал байна.
Хоногийн хоол нийт уургийн 49.7-64.8%, өөх тосны 56.1-81%-ийг амьтны гаралтай хүнсний бүтээгдэхүүнээс авч байна. Амин дэм, эрдэс бодисын хэрэглээнд ч амьжиргааны түвшний ялгаа ажиглагдсан байна.
Дүгнэлт
1. Судалгаанд хамрагдсан нийт өрх, хүн амын хүнсний ногоо, жимс жимсгэний хоногийн хэрэглээ бага, амьтны гаралтай өөх тосны хэрэглээ олон улсын зөвлөмж хэмжээнээс хэт өндөр байна.
2. Өрхийн орлого, багасах тусам хүнсний бүтээгдэхүүний хэрэглээ, хоногийн хоолны илчлэг, химийн найрлагын үзүүлэлт багасаж байна. (rx=0.68, mrx=0.26, trx=2.3)
3. Судалгаанд хамрагдагсдын 78% нь хоолны дэглэм баримталдаггүй, хүнсний бүтээгдэхүүний хэрэглээний нэр төрөл цөөн ялангуяа мах махан, гурил гурилан бүтээгдэхүүнийг нэмүү хэрэглэж байгаа нь хоногийн хоолны найрлага дахь тэжээлийн бодисуудын тохироо алдагдахад хүргэж байна.