Монгол улсын хүн амын дундах ДОХ, БЗХӨ-ний өнөөгийн байдал, хяналтын системийг боловсронгуй болгох нь
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 1233.1 мян.төг
Түлхүүр үг : тэмбүү, заг хүйтэн, тандалт, трихомониаз, биеэ үнэлэгч, донор
Үр дүн
1989-1998 онд нийт БЗХӨ-ний өвчлөл 1,4 дахин, үүний дотор тэмбүү 1,8 дахин, заг хүйтэн ба трихомониаз тус бүр 1,3 дахин нэмэгдсэн байна. Гэтэл 1997 онд урьдчилан сэргийлэх үзлэгээр орсон хүмүүсийн 3,1%-д БЗХӨ илэрсэн нь 1993 оныхтой харьцуулахад 7 дахин, жирэмсэн эмэгтэйчүүдийн үзлэгээр илэрч буй БЗХӨ 1989-1998 онд 8 дахин, ЦССТ-д доноруудад хийгдсэн шинжилгээгээр илэрч буй тэмбүү өвчин 1992-1997 онд 10 дахин нэмэгдсэн байна. Мөн төрөлхийн тэмбүү өмнөх жилүүдээс 8 дахин нэмэгдсэн байна.
Аймгуудын мэдээ тайлангаас харахад 1989-1998 оны 10000 хүн амд тооцсон аймгуудын БЗХӨ-ний өвчлөлийн дундаж үзүүлэлтийг улсынхтай харьцуулбал тэмбүүгийн өвчлөлийн үзүүлэлт Дорнод аймагт 3.5 дахин, Орхон аймагт 1.98 дахин, Баянхонгор аймагт 1.2 дахин, заг хүйтний өвчлөлийн үзүүлэлтээр Орхон аймагт 2.6 дахин, Дорнод аймагт 2.05 дахин, трихомониазын өвчлөлийн үзүүлэлтээр Өмнөгов аймагт 2.9 дахин, Булган аймагт 2.86 дахин, Говь-Алтай аймагт 1.86 дахин их байна.
Аймгуудын БЗХӨ-ний өвчлөлийн байдал хэлбэлзэл ихтэй байгаа нь өвчлөлийг тогтмол хянаж байх тандалтын тогтолцоо бүрдээгүй, урьдчилан сэргийлэх үзлэг, идэвхтэй хяналт тогтмолжоогүйтэй холбоотой байж болох юм.