Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1998
Санхүүжилт: 1000.0 мян.төг
Түлхүүр үг : хугацаа, цэвэршүүлсэн, давс, иод, иодометр, хадгалах
Үр дүн
Хүнс-Маш болон Мон-Давс компаний иоджуулсан давсны иодын алдагдал далд нөхцөлд 6 сарын дараа 3-6.5ррм /5.5-14 хувь/, 12 сарын дараа 4-7рмм /12.8-16.8 хувь/ байгаа нь иоджуулсан давсыг битүүмжилсэн байдлаар, нарны гэрэл чийгнээс хамгаалж хадгалбал иодын алдагдал маш бага байгааг харуулж байна.
Дээрх 2 компаний иоджуулсан давсыг ижил нөхцөлд хадгалж иодын алдагдлыг харьцуулан үзэхэд Мон-Давс компаний иоджуулсан давсны иодын алдагдал бага байгаа нь /t-2/ иоджуулах давсны ширхэглэлийн хэмжээ цэвэршилтийн байдалтай холбоотой байна.
Мон-Давс компаний иоджуулсан давсны иодын алдагдал 2 жилийн хугацаанд далд нөхцөлд 5.6ррм /22.7 хувь/ алдагдсан ба ил нөхцөлд иод нь далд 2.8 дахин илүү алдагдсан байна.
Энэхүү дүн нь иоджуулсан давсыг зөв хадгалбал иодын алдагдал маш бага байгааг дахин нотолж байна.