Фермерийн аж ахуйн шинэ хийцийн барилга байгууламж тоног төхөөрөмжийн зураг төсөл загварыг бүсийн ялгавартайгаар боловсруулах
Салбар : Хөдөө аж ахуйн (ХАА) шинжлэх ухаан
Төслийн дугаар : 0009
Төслийн төрөл : ШУТ төсөл
Хугацаа: 2004-2006
Санхүүжилт: 78000000 мян.төг
Түлхүүр үг : с аалийн фермер, барилга байгууламж, мал амьтан, нарны цацраг, үнээ, мах, сүү, ноос
Үр дүн
1.Монгол орны хөрс, цаг уурын нөхцөлд тохируулан, нар, малын биеийн дулаанаар халах саалийн үнээний болон нарийн ноост хонины шинэ хийцийн байрын нэг загварын зураг төсөл боловсруулан, бүсийн ялгаврыг тогтоов.
2.Фермерийн аж ахуйд хэрэглэгдэх механикжсан технологи, техник хэрэгслийн сонголт, үндэслэл тооцоог хийв. Энэ тооцоогоор 24 саалийн үнээ бүхий фермерийн аж ахуйд мал аж ахуй, газар тариалан оновчтой хослон хөгжүүлснээр, өндөр ашигтай ажиллах боломж байгааг тогтоов.
3.Фермерийн аж ахуйн нөхцөлд хүлэмжийн ногоо, төмс тариалах технологийг боловсруулж, туршилтаар баталгаажуулж, техник, технологийн зөвлөмж боловсруулан, хот, хөдөөд сургалт семинар байнга зохион байгуулж ирснээр ХАА-н салбарт техник, технологийн шинэчлэлтийг түргэсгэхэд тодорхой хувь, нэмэр оруулав.
4.Фермерийн аж ахуйн нөхцөлд хүнд хүчир ажлыг механикжуулах, хөнгөвчлөх зориулалтын хялбар хийцийн багаж хэрэгслийн зураг, төсөл, загварыг гаргаж, хэрэглэгчдийн захиалгаар үйлдвэрлэх эх суурийг тавив.
5.Фермерийн аж ахуйд хэрэглэх бага оврын техник хэрэгсэл, тоног төхөөрөмж нь үйлдвэрлэлийн туршилтаар сонгогдож, нэвтэрч эхлэж байна. Фермийн байрны зураг төслийг хийлгэх, бариулах, техник хэрэгслийг худалдаж авах захиалга, хүсэлт өдрөөс өдөрт олширч байна.
6.Зарим сум, тухайлбал, Төв аймгийн Заамар, Баянчандмань, Батсүмбэр зэрэг сумдын малчид фермерийн аж ахуй байгуулах төсөл, үндэслэл, тооцоо гаргуулах захиалга ирүүлж, гэрээний үндсэн дээр хамтран ажиллаж байна.
7.Дээрх байдлаас үзэхэд энэхүү төслийн үр дүн ХАА-н салбарт бүрэн нэвтрэх боломжтой гэсэн дүр, зураг тодорч байна.
8.Төслийн үр дүн нь эхлээд технологийн зөвлөмж, сургалт-семинар, үзэсгэлэн хэлбэрээр сурталчлагдаж, улмаар төсөл хэрэгжүүлэх, техник хэрэгслийг гадаадаас оруулах, дотооддоо үйлдвэрлэх замаар нэвтэрч эхлэв.