Салбар : Байгалийн шинжлэх ухаан
Төслийн дугаар : 027
Төслийн төрөл : ШУТ төсөл
Хугацаа: 1999-2001
Санхүүжилт: 7,442.9 мян.төг
Түлхүүр үг : эртний амьтан, тоосонцор, тэнгисийн хурдас, мезозой, палеозой, үлэг үрвэл, олдвор, давхаргазүй
Үр дүн
1. Монгол орноос олдсон үлэг гүрвэлийн төрөлд томоохон байр суурь эзэлдэг Овираптозавар бүлгийн шинэ мэдээлэл, материалыг бүрдүүлж, ангилалыг 3 төрөл, омгоор өргөжүүлж, харьцуулах морфологийн судалгаанд тулгуурлаж үлэг гүрвэл-шувууны холбоог баталгаажуулсан орчин цагийн шувууны шинжийг махан идэшт үлэг гүрвэлийн нэгэн төрөлд байгаа болохыг батлан харуулсан.
2. Эртний хөхтний шинэ материалд тулгуурлан Ази болон Европын хооронд тогтож байсан Тургайн дотоод тэнгисийн усны түвшин сууж, үе үе тасалдаж байсныг тогтоож улмаар Ази, Европын хооронд хуурай газар бий болон хөхтөн шилжилт явагдаж байсныг анх үндэслэл гаргасан байна.
3. Эх газрын цэрд галавын остракодын нийт ангилалд монгол орны осрокад нь зонхилох байр суурьтайг тогтоосон байна.
4. Монгол орны цэрдийн ургамлын үр тоосонцорын судалгааг өргөжүүлэн ангилалыг 4 омог төрлөөр баяжуулсан ба хурдасын давхаргазүйн ангилалыг нарийвчлах үнлэслэл бүрдүүлжээ.
5. Седиментологийн судалгаагаар мезо-кайнозойн хурдсын давхаргазүй, литостратиграф, хурдас хуримтлал, хурдсын гарал үүсэл, бодисын найрлага зэргийг нарийвчлан судалж, мезозойн цаг үед монгол орны баруун хэсэг нь эх газрын атираажилтын, зүүн хэсэг нь тасралтын гэж тектоник хөдөлгөөнөөр ангилагдаж байгааг олон улсын түвшинд гарч байгаа онолын үндэслэлд тулгуурлан харьцуулсан дүгнэлт гаргасан.
6. Докембрий-кембрийн хурдасын эртний бичил амьтны байршил, тархалт, палентологийн тодорхойлолтыг анх удаа хийсэн
7. Палеозойн хөвд биетний судалгаагаар ордовикийн галаваас пермийн галавыг дуустал шат дараалсан 21 цогцолбор тогтоогдсон нь хурдсын насыг систем, ярус зарим тохиолдолд бүр нарийвчлан боловсруулж, тэдгээрийн хөгжлийн ерөнхий зүй тогтлыг тодруулж, зарим үе шатны хил заагийн асуудлыг нарийвчлан тогтоолоо.
8. Палеозойн тэнгисийн хурдасын давхаргазүйн ангилалын материалыг хянан, шинэ материалаар баяжуулан зарим нэгжийг өөрчилсөн шинэ ангилал дэвшүүлж, остракодын 1 шинэ зүйл тодорхойлон бичсэн байна.
9. Өмнөд монголын пермийн нүүрсний хурдасын навчит ургамлын судалгааны дүнд нүүрс агуулсан хурдасын давхаргазүйн шинэ ангилалыг дэвшүүлж, нүүрстэй хурдасын үеийг шинээр нээж, тухайн цаг үеийн уур амьсгал, орчин нь палеогеографийн хувьд Ангарын бүсэд хамаарч байсныг тогтоосон