Хонинд нэмэгдэл тэжээл өгөх цаг агаар, уур амьсгалын нөхцөл
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1989-1990
Санхүүжилт: мян.төг
Түлхүүр үг : бэлчээр, өвөл, хавар, турах, нөөц, шимт чанар, салхи шуурга
Үр дүн
Бэлчээрийн мал аж ахуйд хамгийн бэрхшээлтэй хатуу ширүүн үе болох өвөл, хаврын улиралд мал турах бэлчээр, цаг агаарын нөхцлийг урьдчилан үнэлэх, уг үнэлгээнийхээ үндсэн дээр үйлдвэрлэлийн үйл ажиллагааг хөтлөн явуулах нь ашигтай. Өвөл, хаврын улиралд бэлчээрийн өвс тэжээлийн нөөц, шимт чанар эрс буурахын зэрэгцээ цаг агаарын таагүй нөхцөлтэй хүйтэн, салхи шуургатай, бэлчээр их цастай байхад хонь хэрэгцээт өвс тэжээлээ бэлчээрээс бүрэн цадаж чадахаа больж, турж эцэн, ашиг шим нь буурч, улмаар үхэж хоргоход хүрдэг.
Судалгаанаас үзэхэд нэмэгдэл тэжээлийн хангамж тавиас дээш хувьтай байгаа аймгуудад дунджаар нэг малаас авч байгаа ашиг шимийн хэмжээ хорь хүртэлх хувийн тэжээлийн хангамжтай аймгуудын дунджаас даруй 53.4-70.0% илүү байгаа нь өвөл, хавар мал сүргийг нэмэгдэл тэжээлээр тэжээх явдал хичнээн ач холбогдолтойг харуулж байна.