Элэг ба эрхтэн тогтолцоо хоорондын шүтэлцээний дагуу зонхилон тохиолддог дотрын эмгэгүүдийн оношлогоо эмчилгээний дэвшилт аргууд
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2001-2002
Санхүүжилт: 720.0 мян.төг
Түлхүүр үг : уйланхай, бэтэг, гепатома, буглаа, холангиома, сүүдэржилт
Үр дүн
Бэтгийн хөгжлийн үе шатаас шалтгаалан бүрхүүл, уйланхай доторхи уйланхай, зөгийн үүр, угалз, судал, шүхэр зэрэг эхографийн онцлог шинжүүд илэрч буй нь гадаадын болон манай эрдэмтдийн судалгаатай /Н.Мухарлямов., 1987, Г.А.Зубовский., 1988, С.Сонин., 1990, П.Онхуудай., 1993/ тохирч байна.Цус хуралтын үед зөв биш хэлбэрийн, нэг тооны, янз бүрийн хэмжээний, эхэн үед бүрхүүлгүй, удсан үед бүрхүүлтэй, хил хязгаар тэгш, тэгш бус, тод, тод бус, нэг төрлийн ба нэг төрлийн бус, дотор цуурайжилт жигд буурсан ба холимог дотор цуурайжилттай голомтот өөрчлөлт тодорхойлогдож буй нь гадаадын эрдэмтдийн судалгаатай /R.Kristina., 1990, Ф.И.Тодуа., 1991/ тохирч байна.
Хоргүй хавдрын үед зөв биш хэлбэрийн янз бүрийн хэмжээний хил хязгаар тэгш тод бус, бүтэц нэг төрлийн бус голомтот өөрчлөлт илэрч байна.
Үсэрхийллийн хавдрын үед дугираг, зууван хэлбэрийн бүтэц нэг төрлийн буюу нэг төрлийн бус, дотор цуурайжилт ихэссэн, буурсан, холимог, доош сүүдэржилтгүй, голомтот өөрчлөлт илэрнэ.
Дүгнэлт
1. Шимэгчийн бус гаралтай ганц ба олон уйланхай, цус хуралт, буглаа, бэтэг, хоргүй, хорт ба үсэрхийллийн хавдруудын хэт авиан үндсэн шинж, тэмдгүүдийг тус тусад нь гаргалаа.
2. Элэгний түгээмэл тохиолддог голомтот өөрчлөлтүүдийн хэт авиан ялган оношлогоог боловсруулав.
3. Элэгний түгээмэл тохиолддог голомтот өөрчлөлтүүдийн хэт авиан үндсэн үзүүлэлтүүдээр оношлох асуудлыг шийдвэрлэснээр эмчилгээний асуудлыг цаг алдалгүй зөв шийдвэрлэхэд ач холбогдлоо өгч байна.