Нийгмийн эрүүл мэндийг хамгаалах, өвчлөлөөс сэргийлэх оновчтой тогтолцоо, үнэлгээ, хяналтын шалгуур арга зүй
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2000-2001
Санхүүжилт: 7999.6 мян.төг
Түлхүүр үг : бамбай, бахлуур, энгийн давс, боловсролын түвшин, орд, агууламж
Үр дүн
1. ИДЭ-ийн байдлыг бамбайн бахлуурын тархалтаар үнэлэхэд улсын хэмжээнд 23.4 буюу хүндэвтэр зэрэглэлд байна.
2. ИДЭ-ийн байдлыг шээсээр ялгарах иодын агууламжаар тодорхойлоход 86.3 хувь буюу хөнгөн зэрэглэлд орж байна.
3. Айл өрхийн иоджуулсан давсны хэрэглээний хувь 49.8 хувьтай, үүнээс иоджуулсан давсны стандартын шаардлага хангаагүй /<20 ppm/ 50.2 хувь, стандартын шаардлага хангасан />20ppm/ 49.8 хувьтай байгаа нь ИДЭ-тэй тэмцэх үндэсний хөтөлбөрт дэвшүүлсэн зорилтыг биелүүлэхэд /95 хувьд хүргэх/ хангалтгүй түвшинд байна.
4. Иоджуулсан давсны хэрэглээний байдалд үнэлгээ өгөхдөө шээсээр ялгарах иодын агууламжтай холбон үздэг жишгээр тэдгээрийн харилцан хамаарлыг тогтооход шууд хүчтэй хамааралтай /p<0.01/ болох нь батлагдлаа.
5. ИДЭ болон иоджуулсан давсны талаарх хүн амын 96.9 хувь нь зөв мэдлэгтэй байна. Энэ талын мэдээллийг хүн амын 39.7-57.1 хувь нь радио телевизийн сурталчилгаагаар, үнийн талаарх асуумжинд 78.8 хувь нь боломжийн үнэиэй, давсны амтын хувьд 57.4 хувь нь энгийн давстай амт ижил гэж тус тус хариулт өгсөнөөс үзэхэд хүн амын дунд иоджуулсан давсыг хэрэглэх зөв хандлага байгааг харуулж байна.
6. Асуумжаар зөвхөн иоджуулсан давс хэрэглэдэг өрх 41.6 хувь, хольж хэрэглэдэг өрх 27.7 хувь, энгийн давсыг 9.3 хувь /p<0.01/ тус тус хэрэглэдэг байна.