Нийгмийн эрүүл мэндийг хамгаалах өвчлөлөөс сэргийлэх оновчтой тогтолцоо, үнэлгээ хяналтын арга зүй
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2000-2001
Санхүүжилт: 5200.0 мян.төг
Түлхүүр үг : амьдралын орчин, гэр бүлийн байдал, өрхийн орлого, боловсролын түвшин, анхны жирэмслэлт
Үр дүн
Судалгааны үр дүнгийн тойм
1. Судалгаанд хамрагдсан үр хөндүүлж буй эмэгтэйчүүдийн дундаж нас 28.3+-0.2 буюу тэдний 52.4 хувь нь давтан үр хөндүүлж байгаа бөгөөд дундаж нас нь 30.6+-0.3 байлаа. Үр хөндүүлж байгаа эмэгтэйчүүдийн жирэмсний дундаж хугацаа нь 6.8+-0.1 долоо хоног, үр хөндүүлсэн дундаж тоо нь 3.35+-1 байв.
2. Судалгаанд хамрагсдыг боловсрол, ажил эрхлэлт, гэр бүлийн байдал, хүүхэдтэй эсэхээр нь авч үзвэл 45.4% нь бүрэн дунд боловсролтой, 25.2% нь оюутан, 65.4% нь гэр бүлтэй, 73.9 хувь нь хүүхэдтэй эмэгтэйчүүд байна.
3. Нийт үр хөндүүлсэн эмэгтэйчүүдийн одоогийн үр хөндүүлэх болсон зонхилох шалтгаан эдийн засгийн боломжгүй (37.8 хувь), цаашид суралцахын тулд (21.9 хувь) гэж байв.
4. Үр хөндүүлж буй эмэгтэйчүүдийн 91.9 хувь нь ЖСА-ын талаар мэдлэгтэй гэж хариулсан байгаа ба уламжлалт аргуудын хэрэглээ бусад аргуудаас их байна.
5. Үр хөндүүлсэн эмэгтэйчүүдийн 81.2 хувь нь цаашид ЖСА хэрэглэнэ гэж хариулсан бол зөвхөн 0.8% нь хэрэглэхгүй гэсэн байна.
Дүгнэлт
1. Насны хувьд 20-34 насныхан, нийгмийн байдлын хувьд ажилчин, оюутан эмэгтэйчүүд үр хөндүүлэх илүү эрсдэлтэй байна.
2. Анхны жирэмслэлтээ үр хөндүүлэх явдал харьцангуй өндөр байна.
3. Үр хөндүүлж байгаа эмэгтэйчүүдийн 36.0 хувь нь дахин хүүхэд төрүүлэхгүй гэсэн шийдвэрээ гаргачихсан эмэгтэйчүүд байгаа нь гэр бүл төлөвлөлтийн аргыг хүлээн авах боломжтой хүний тоо их байна.