Монгол уламжлалт анагаах ухаанд тулгуурлсан эмчилгээ, оношлогоо, дэвшилтэт арга технологи, эм бэлдмэл
Салбар : Анагаах ухаан, эрүүл мэндийн шинжлэх ухаан
Төслийн дугаар : 1701223
Төслийн төрөл : ШУТ төсөл
Хугацаа: 1999-2001
Санхүүжилт: 1000.0 мян.төг
Түлхүүр үг : халуун чанар, гадар шинж, судасны лугшилт, дотор шинж, далд шинж, цус шар
Үр дүн
Бид сорил туршилтын болон эмнэлзүйн ажиглалтын судалгаа явуулж хануур засал түүнтэй хавсарган хэрэглэдэг цус ялгах тангууд, хануурын бай , муу-цус -ны тухай өөрсдийн хийсэн шинжилгээний ажил дээрээ үндэслэн дараах үр дүнг гаргаж аваад байна.
1. Элэгний өвчний үед хануур заслыг цус ялгах тантай хавсарган хэрэглэхэд элэгний эсийн задралыг багасгах, цөсний зогсонгишролыг бууруулах үйлдэл үзүүлнэ.
2. Хануур засал, цус ялгах тангийн элэг хамгаалах цитолиз багасгах үйлдлийн мөн чанар нь тэдгээрийн дархлаа зүгшрүүлгийн идэвхтэй холбоотой.
3. Хануур заслын дархлаа зүгшрүүдгийн гол үйлдлийн механизм нь тэдгээрийн нөлөөгөөр биеэс эрхтэн гэмтээх, дархлал дарангуйлах идэвхтэй цусны улаан эсийн популяци зайлуулагдаж байгаагаар тайлбарлагдана.
4. Хануур засал, цус ялгах тангийн нөлөөгөөр элэгний эдэд болон цусны ийлдсэнд төмрийн хэмжээ багасах нь тэдгээрийн дархлал сэргээх, элэг хамгаалах, цитолиз багасгах үйлдлийг нөхцөлдүүлдэг байж болох юм.
5. Элэгний хурц эмгэгүүдийн үед хануур засал, цус ялгах танг хэрэглэх нь элэгний эдэд агуулагдах микро-макроэлемещнтийн тоон харьцааг өөрчлөн, антиоксиидант үйлдэлтэй элементүүдийг нэмэгдүүлэх саногенезийн идэвх үзүүлнэ.
6. Элэгний архаг С гепатитын идэвхижил бүхий өвчтөнд хануур засал, цус ялгах танг хэрэглэх нь биеэс төмрийн ион зайлуулагдаж, ферментийн идэвх хэвийн болгоход хүргэнэ.
Дүгнэлт
- Оношлогооны баримтлалаар гадар шинж, халуун чанарыг яаж тодорхойлохыг заасан.
- Халуун чанартай өвчнийг шинжлэн гадар, дотор, далд шинжийг тодруулах зарчмыг тусгасан.
- Шээсний шинжилгээнд гарах хувиралтыг дэлгэрэнгүй тайлбарласан
- Судасны шинжилгээнд юуг анхаарахыг товч бичсэн.
- Цус ялгах танг уулгахаас өмнө юуг анхаарах, яаж уухыг тоочсон.
- Хануур засал хийх үйлдлийг дэлгэрэнгүй тоочжээ.
- Хануур хийх үед гарч болох хүндрэл, хийсний дараа өвчтөнд баримтлах дэглэмийг заасан.