Нефть, нефтийн бүтээгдэхүүнээр бохирдсон газрыг байгаль орчинд ээлтэй аргаар цэвэрлэх, нөхөн сэргээх технологи
Салбар : Байгалийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2013-2015
Санхүүжилт: 61,200.0 мян.төг
Түлхүүр үг : хөрсний бохирдол, нефть, нефтийн бүтээгдэхүүний бохирдол, микроорганизм, нүүрсустөрөгчид, нөхөн сэргээлт
Үр дүн
1. Толгойтын нефть бааз орчмын хөрс 0,5-2,9% хүртэл, Дархан хотод байрлах “Ойн бирж” ШТС-ын ойр ормын хөрс 0,027-0,073%, Зүүнбаянгийн нефтийн ордын ойр орчмын хөрс 2,3-10% бохирдолтой байв. Бохирдлын түвшинг Монгол улс болон олон улсад мөрдөгдөж буй норм нормативтэй харьцуулж үзэхэд Зүүнбаянгийн нефтийн орд газрын ойр орчмын хөрсний бохирдол маш өндөр, даруй бохирдлоос цэвэрлэх, нөхөн сэргээх шаардлагатай гэж үзэв.
2. Зүүнбаян, Цагаан-Элсний нефтийн ордын бохирдолтой талбайгаас хөрсний дээж аван микробиологийн аргаар, мөн нэмэлт биосубстратуудыг ашиглах замаар нефтийн бохирдлыг буурууулах судалгаагаар Цагаан-Элсний нефтийн орд газраас авсан нефть болон нефтийн хаягдлаар /шлам/ бохирдсон хөрсөнд Pseudomonos, Bacillus, Micrococcus, Arthrobacter, Methylococcus төрлийн микроорганизмууд давамгайлж байсан ба биозадралын процессыг эдгээр микроорганизмуудын оролцоотойгоор 10 ба 30 хоногийн турш явуулахад 30 хоногийн туршилтын дараах бохирдсон хөрсөн дэх нефтийн шламд – 56%, хөрсөнд -35%-иар буурч байв.
3. Мөн Зүүнбаянгийн нефтиэр 5%, 10%, 15%-ийн бохирдолтой хөрсний дээжүүдийн бохирдлыг бууруулах зорилгоор малын бууц, шувууны сангас, багсармал бордоо зэрэг биосубстратуудыг ашиглан явуулсан туршилтын 2-3 сарын хугацаанд 50000 мг/кг бохирдолтой хөрсөн дэх органик бохирдуулагчийн хэмжээ 30 хоногийн дараа 29,4-37%-иар буурч байв.