Ямаан сүргийн удмын санг хамгаалах,бүтээмж өндөртэй цөм сүрэг бий болгох
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2013-2015
Санхүүжилт: 78,000.0 мян.төг
Түлхүүр үг : Үүлдэр, омог, цэвэр үржүүлэг, эрлийзжүүлэг, ашиг шим, үржил, хээлтүүлэг
Үр дүн
1. Судалгааны ажлын үр дүнд Говь гурван сайхан үүлдрийн ямааны үүлдэрлэг байдал, ашиг шимийн өнөөгийн түвшинг тогтоож, цаашид генофондыг хамгаалах селекцийн арга, зөвлөмжийг боловсруулж, Залаажинстийн цагаан омгийн ямааны үржүүлэг селекц, ашиг шимийн судалгааны эх материалыг бүрдүүлж, үүлдэр болгон баталгаажуулсан. Алтайн улаан үүлдрийн хэсгийн ямааг ашиглах үржүүлгийн схемийг гаргав.
2. Цогт-Овоо суманд нутгийн ямааны гарц ихтэй, жигд нарийн цайвар ноолууртай нутгийн ямааны 3000 гаруй цөм сүргийг бүрдүүлж, сүргийн дотроос гарц ихтэй, нарийн ноолууртай “Цохиогийн улаан”, бие томтой, нарийн ноолууртай “Овоогийн улаан” удмыг илрүүлэн ашиглаж байна.
3. Ноолуурын чиглэлийн 2200, сүүний чиглэлийн 172 ямааны үндсэн болон ашиг шимийн мэдээллийг агуулсан цахим сан бүрдүүлэв.
4. Монгол оронд нутагшуулж буй Альпин үүлдрийн ямааны маллагаа, тэжээллэгийн горим, байрны эрүүл ахуйн нөхцөл, ашиг шимийн түвшинг судлан тогтоож, сүүний чиглэлийн ямаа үржүүлэх зөвлөмж боловсруулав.
5. Сүүний чиглэлийн Альпин үүлдрийн ухнаар Монгол болон Говь гурван сайхан үүлдрийн ямааг эрлийзжүүлж 1-р үеийн эрлийз ишигнүүдийг хүлээн авав.
Судалгааны үр дүнгээр ном товхимол 2, үүлдрийн тодорхойлолт 2-ийг бичиж, ямааны 1 үүлдэр батлуулсаны гадна эрдэм шинжилгээний болон сурталчилгааны өгүүлэл 4, илтгэл 4 –ийг нийтлүүлж, олон улсын үзэсгэлэнд нэг удаа оролцсон.