Эрхтэн шилжүүлэн суулгалтын эд нийцлэл, дархлаа хяналтын судалгаа
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2013-2015
Санхүүжилт: 77000.00 мян.төг
Түлхүүр үг : эрхтэн, шилжүүлэн суулгалт, дархлаа, нийцэл, бөөр, элэг, дарангуйлал
Үр дүн
УНТЭ-т бөөр шилжүүлэн суулгасан 70 тохиолдлын өвчтөний амьдрах чадвар 85.7% (n=60), суулгацын амьдрах чадвар 74.3% (n=52) тус тус байв. Харин 5 жилийн амьдрах чадварыг 34 реципиентэд тодорхойлоход өвчтөний амьдрах чадвар 85.3% (n=27), суулгацын амьдрах чадвар67.6% (n=23) тус тус байлаа.
Дээрх 70 тохиолдолд донор ба реципиентийн HLA-A-B-DR тохироог тодорхойлоход 81.4% (n=57)-днь HLA антиген 50% хүртэл буюу харьцангуй сайн тохироотой байлаа. Суулгацын болон реципиентийн амьдрах чадвар нь HLA-A-B-DRлокусын 0-1, 2-3, 4-6 антиген тохироогүй бүлгүүдэд статистик магадлал бүхий ялгаатай байна (p<0.05).Тохироогүй антигены тоо нэмэгдэх тусам суулгац ажиллагаагүй болох, реципиент нас барах эрсдэл нэмэгдэж байна.
Бөөр шилжүүлэн суулгах эмчилгээний дараа anti-HLA class II (p=0.001) ялангуяа anti-DQ эсрэгбие үүсч суулгацын тавиланд сөргөөр нөлөөлж байв. De-novo anti-HLA class II эсрэгбие нь суулгацын амьдрах чадварт шууд сөргөөр нөлөөлж байгаа нь тогтоогдлоо (p=0.008).
Бөөр шилжүүлэн суулгасан 96 тохиолдлын 52 (54.1%) нь дархлаа дарангуйлах стандарт гурвалсан эмчилгээ (такролимус + MMF + стероид) хэрэглэж байна. Ийлдсийн креатинин эхний 2 жилийн хугацаанд эмчилгээний бүлгүүдэд статистик ач холбогдол бүхий ялгаатай (p=0.001) байсан бөгөөд бүлэг I-ийн үр дүн бүлэг III-тай ойролцоо (p>0.05) буюу Монголд шилжүүлэн суулгаж буй бөөрний үр дүн сайжирч байгаа нь ажиглагдлаа.Эмчилгээний 3 бүлэгт цусны цагаан эс, улаан эс, С урвалж уураг, глюкоз, холестеролстатистик ач холбогдол бүхий ялгаатайбайв (p<0.05). Цусан дахьтакролимусын дундаж агууламжэмчилгээний бүлгүүдэд ялгаатай байлаа (p=0.009).
Дүгнэлт
1.Бөөр шилжүүлэн суулгалтын үр дүн нь эдийн тохирооны их бүрдлийн HLA-А-В-DR антигены тохироотой шууд хамааралтай байна (p<0.05).
2.Бөөр шилжүүлэн суулгах эмчилгээний дараа үүсэх de-novo anti-HLA II (p=0.001), ялангуяа de-novo anti-DQ эсрэгбие нь суулгацын тавиланд сөргөөр нөлөөлж байна (p=0.008).
3.Манай орны нөхцөлд такролимус, MMF, стероидын хавсарсан стандарт гурвалсан дархлаа дарангуйлах эмчилгээ илүү үр дүнтэй байна (p<0.05).
Дээрхи судалгаануудаас Эрхтэн шилжүүлэн суулгахын өмнөх болон дараах үеийн дархлаа хяналтын алгоритм, хэт цочмог, цочмог, архаг ховхролыг оношлох, эмчлэх сэргийлэх арга, оношилгоо эмчилгээ сэргийлэлтийн удирдамжийг боловсруулсан.