Цэргийн албан хаагчдын генийн мэдээллийн сан бүрдүүлэх туршилт, судалгаа
Салбар : Анагаах ухаан, эрүүл мэндийн шинжлэх ухаан
Төслийн дугаар : 9070001130
Төслийн төрөл : ШУТ төсөл
Хугацаа: 2009-2010
Санхүүжилт: 49,000.0 мян.төг
Түлхүүр үг : Ген, микросателлитын локус, аутосом хромосом, Ү-хромосом, генийн мэдээллийн сан, гаплотип
Үр дүн
1. Хүний аутосомын хромосомын микросателлитын генотип тодорхойлох судалгаа хийж локус бүрийн аллелийн давтамжийн тархалтыг тогтоож локус бүрээр судалгаанд хамрагдсан хүний генетик мэдээллийн санг бий болгон хадгалав.
2. Монгол 184 эрэгтэйчүүдийн Y хромосомын микросателлит локусын аллелиар генетик мэдээллийн санг бий болгож, 12 локусаар 154 эрэгтэй өвгөөс гаралтай бие даасан гаплотип байгааг монголчуудын хүн амд анхлан тогтоов. Ийнхүү олон улсын Y-хромосомын гаплотипийн генетик мэдээллийн сан /“Y-STR haplotype reference database”/ [14] -д бүртгэгдсэн гаплотиптэй Монголчуудын дунд тархсан гаплотипийг харьцуулах нөхцөлийг бүрдүүлэв.
3. Геномын ДНХ-ийн судалгаа шинжилгээний аргачлал боловсруулав.
4. Төслийн туршилт судалгааны ажлын явцад “Генетик анализатор ашиглан хүнийг адилтган харьцуулах ДНХ-ийн шинжилгээний техник, технологийн шаардлага” MNS 6120:2010, “Полиакрилаамид гель хэрэглэн хүнийг адилтган харьцуулах ДНХ-ийн шинжилгээний техник, технологийн шаардлага” MNS6119:2010 Монгол улсын стандарт боловсруулан батлуулав.
5. ДНХ-ийн шинжилгээний жишиг лаборатор байгуулах төслийг боловсруулж, ДНХ-ийн шинжилгээний жишиг лаборатори байгуулахад шаардлагатай тоног төхөөрөмж, түүнд шаардагдах урвалж оношлуурын хэрэгцээний тухай төсөл боловсруулж тайланд хавсаргав.
6. Төслийн үр дүнгээр эрдэм шинжилгээний өгүүлэл 3, илтгэл 2-ыг хэлэлцүүлсэн ба аргазүй 1-ийг боловсруулж хэвлүүлэв.
7. Генетик мэдээллийн сангийн өгөгдөлийг тусгасан хувь хүний нууцыг хамгаалахын тулд тусгай программ бэлтгэв