Монголчуудын эх оронч үзэл, хүмүүжлийн уламжлал шинэчлэл
Салбар : Нийгмийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2012-2013
Санхүүжилт: 44537.00 мян.төг
Түлхүүр үг : эх оронч үзэл, эх оронч хүмүүжил, эх орон, үнэт зүйл төлөвшил, монгол, иргэд
Үр дүн
Монгол Улсын иргэдийн эх оронч үзэл, хүмүүжлийн уламжлал, шинэчлэлийн асуудлыг шинжлэх ухааны үндэслэлтэйгээр судлан тогтоож, иргэдэд монгол эх оронч үзэл төлөвшүүлэх арга замыг тодорхойлохыг зориж ажиллан доорх үр дүнд хүрэв.
1. Эх оронч үзэл, хүмүүжил, түүний мөн чанар, агуулгыг тодорхойлж, онолын боловсруулалт хийж, түүхэн уламжлалыг шинжлэв. Мөн иргэдийн үнэт зүйлсийн баримжааны өөрчлөлт, чиг хандлагад үнэлэлт хийж, тэдгээрийн эх оронч үзэл, хүмүүжилтэй ямар холбоо хамааралтай болохыг тодорхойлов. Монголчуудын эх оронч үзэл, хүмүүжлийн өнөөгийн байдлыг анкетын аргаар судалж, дүнг нэгтэн судалгааны үндсэн хэрэглэгдэхүүн болгов. Эх оронч үзэл, хүмүүжил төлөвшүүлэх арга зүйн асуудлыг боловсруулж, түүндээ Монголын иргэдэд эх оронч үзэл, үндэсний бахархал төлөвшүүлэх арга замыг тодорхойлов. Дээрх асуудлын хүрээнд иргэдэд Монгол эх оронч үзэл, хүмүүжил төлөвшүүлэх “Чингисийн Монгол” үндэсний хөтөлбөрийн үндэслэлийг гаргаж, ач холбогдлыг харуулав. 2. Судалгааны ажлын онолын болон практик ач холбогдол нь сургалт судалгааны ажилд ашиглах боломжтой, шинжлэх ухаан, танин мэдэхүйн болон арга зүйн зохих түвшинд боловсруулагдсан, их дээд сургууль, иргэний болон цэргийн байгууллагын сургалт, хүмүүжлийн ажилд зохих хэрэглэгдэхүүн болохоор хийгдсэнд оршино.
3. Судалгааны үр дүнд “Иргэдэд Монгол эх оронч үзэл, хүмүүжил төлөвшүүлэх “Чингисийн Монгол” хөтөлбөр, “Монгол эх оронч үзэл” сургалтанд зориулсан “Миний Монгол” сургалтын программын СD танилцуулга, Социологийн судалгааны анкет, нэгдсэн дүн, Монгол Улсын иргэдийн эх оронч үзэл, хүмүүжлийн тухай хуулийн төсөл боловсруулсан зэрэг нь уг судалгааны ажлын практик өгөөжийг тодорхойлж байна.
4. Өнөөгийн монголын нийгмийн туулж өнгөрүүлж буй үе бол олон нийтийн ухамсар эргэлтийн шинжтэй болж, иргэдийн үнэлэмж ба үзэл санаа бүрэлдэн төлөвшиж байгаагаараа онцлог юм. Нөгөөтэйгүүр эдгээр нь нийгмийн нэгдлийн шинэ суурь үндэс болж эх оронч үзэл, хүмүүжлийн үнэт зүйл ба иргэний төлөвшлийн угтвар нөхцөл нь болох ёстой. Энэ нь тухайн төрлийн судалгааг дээрх асуудлаар цаашид гүнзгийрүүлэн судлах хэрэгцээ шаардлага байгааг харуулж байна.
5. Иргэдэд эх оронч үзэл хүмүүжил олгох үйл явц өөрөө амьдран орших чадвартай үзэл суртлын хангалтыг шаардана. Үүний тулд үндэсний сэхээтний нийгмийн нэр хүндийг дээшлүүлэх, тэдний соёл, боловсрол, оюунлаг байдлыг сэргээн тогтоох замаар нийгмийн жинхэнэ оюун санаа ба соёлын үнэт зүйлийг тээгч түгээн дэлгэрүүлэгч болгон хувиргах боломж байна.