Салбар : Байгалийн шинжлэх ухаан
Төслийн дугаар : 1970070056
Төслийн төрөл : ШУТ төсөл
Хугацаа: 2011-2013
Санхүүжилт: 77100.00 мян.төг
Түлхүүр үг : генетик, микросаттелит, маркер, митохондри, шинэ гаплотип
Үр дүн
1. Монгол орны ГИДЦГ-ийн А хэсэгт цөөн тоогоор үлдсэн мазаалай баавгай болон Монгол орны хойд хэсгээр тархсан хүрэн баавгайн үсний болон эдийн дээжнүүдээс нийт ДНХ ялган, митохондрын ДНХ-ийн D-гогцоо (334 bp), СOXII (664 bp) ген болон бөөмийн ДНХ-ийн микросателлитын 13 локусын судалгааг хийж, түүний ДНХ дараалал тогтоож генетик анализын судалгааг хийж, дэлхий дээр тархсан хүрэн баавгайн дэд зүйлүүдийн талаарх дэлхийн генбанкид хадгалагдаж буй мэдээлэлтэй харьцуулан, монгол орны хүрэн баавгайн популяциудаас COXII генийн хувьд 14, control region-ны хувьд 28 шинэ гаплотипүүд тус тус илрүүлсэн.
2. Мазаалай баавгай нь бие даасан дэд зүйл болохыг тогтоож, дэлхий нийтэд зарлахаар баавгай судлалын олон улсын хуралд танилцуулах бэлтгэл хангагдсан болно. Иймээс мазаалай баавгайг хамгаалах, үндэсний хөтөлбөр боловсруулан Байгаль Орчин, Ногоон хөгжлийн яамны сайдын зөвлөлд оруулахад бэлэн болоод байна. Ингэснээр мазаалай баавгайн тоо толгойг нэмэгдүүлэх, хамгаалахад үндэсний болон олон улсын хөтөлбөр буй болсоноор юуны өмнө мазаалай баавгайн амьдрах орчныг сайжруулахад голлон анхаарах нь зохистой хэмээн үзэж байна.