Ургамлын өвчин, хортонтой тэмцэх биобэлдмэл гаргах, хог ургамалтай тэмцэх технологи боловсруулах
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2011-2013
Санхүүжилт: 107430.00 мян.төг
Түлхүүр үг : хог ургамал, биобэлдмэл, мөөгөнцөр, бактер, фунгицид
Үр дүн
1. Төв, Сэлэнгэ аймгийн тариалангийн талбайд зонхилон тархсан хог ургамлаас өвчилсөн ургамлын 50-иад дээж цуглуулж, урвуу гагдай, цагаан лууль зэрэг ургамлаас цэвэр өсгөвөр гарган авч тодорхойлсон.
2. Зарим төрлийн хог ургамлын эсрэг үйлчилгээтэй биогербицид хэрэглэх технологи гаргасан.
3. Төв аймгийн Аргалант, Борнуур сумын үр тарианы талбайд микробиологийн бэлдмэл 500 га-д хэрэглэж туршихад 86%-ийн үр дүнтэй байна. Микробиологийн бэлдмэлийн 3 хувилбарыг БНКУ-ын Биорат бэлдмэлтэй харьцуулан туршиж, үр дүнг тооцсон.
4. Судалгааны үр дүнд Тариалангийн болон хүнсний ногооны талбайн мэрэгчидтэй тэмцэхэд бактобромадиолон бэлдмэлийг хэрэглэх заавар боловсруулсан.
5. Төв, Архангай аймгийн нутагт тархсан хүнсний ногооны болон ойн хортон шавьжийн өвчилсөн 40-өөд дээж цуглуулж, B.thuringiensis MN-01 омог гарган авч PCR-тодорхойлсон.
6. Байцааны хивэн эрвээхийн хүрэнцэртэй тэмцэхэд вирусын болон Энтомотоксин, Лепидоцид зэрэг бэлдмэлийг туршсан. Ойн болон хүнсний ногооны талбайн хортон шавьжтай тэмцэхэд бактерийн бэлдмэлийг хэрэглэх заавар боловсруулсан
7. Хүнсний ногооны голлох өвчин фитофтортой тэмцэхэд хэрэглэгдэх B.subtilis-ийн нутгийн омог гарган авч, Оюуны Өмчийн газар баталгаажуулах ажил хийгдэж байна.
8. Хүнсний ногооны голлох өвчин фитофтортой тэмцэхэд хэрэглэгдэх B.subtilis-ийн нутгийн омгоор биофунгицид үйлдвэрлэх технологийн заавар боловсруулсан.
9.Шавьжид эмгэг төрүүлэгч цагаан мускардин мөөгөнцөр B.bassiana нутгийн омог гарган патент /3476/авч молекул биологийн судалгаа хийж,патент авсан.
10. B.bassiana мөөгөнцөрийн биобэлдмэл үйлдвэрлэх технологийн заавар боловсруулсан.
11.Бэлчээр,ойн хөнөөлт шавьжтай Metarhizium anisopliae MaMN-G09/22 бэлдмэлийг хэрэглэж, микробиологийн аргаар тэмцэх зөвлөмж боловсруулсан.
12.Шавьжид эмгэг төрүүлэгч ногоон мускардин мөөгөнцөр Metarhizium anisopliae-бэлдмэл үйлдвэрлэх технологийн загвар гаргасан.