Молибдены баяжмалаас рени ялгаж авах техник технологийн судалгаа
Салбар : Инженерийн ухаан, технологи
Төслийн дугаар :
Төслийн төрөл : ШУТ төсөл
Хугацаа: 2011-2013
Санхүүжилт: 78000.00 мян.төг
Түлхүүр үг : рени, молибденийн баяжмал, химийн найрлага, натрийн карбонат,
Үр дүн
1. Баяжмалыг азотын хүчлээр боловсруулахад молибденитийн задралын зэрэг 95.4%-д хүрч, баяжмал дахь нийт молибденийн 50% орчим нь молибдений хүчил (H2MoO4) хэлбэр тунадасжиж, рений нь перренат ионы хэлбэрээр хүчиллэг уусмалд 99% хүртэл шилжиж байна. Уусмал дахь рений, молибденийг нүх сүвгүй, гель хэлбэрийн анион солилцогчид (AN-82-14G; AN-105-14G; AN-21-14G; AV-17-16G) ашиглан салгах боломжтой байна. Салгалтын коэффициент харгалзан Ks = DRe/DMo 778.8, 630.8, 309.4 ба 297.2 байв. Анион солилцогч (AN-82-14G; AN-105-14G) дээр шингээгдсэн перренатыг 10%-ийн NH4OH-ийн уусмалаар харгалзан 99.3 ба 98.7% хүртэл десорбцилон ялгаж авах гидрометаллургийн технологийн параметрийг гаргав. Технологийн бүдүүвч, заавар.
2. Молибденитийн баяжмалыг стехиометрийн харьцаанаас 50%-иар их натрийн карбонаттай хольж, хүчилтөрөгч чөлөөтэй нэвтрэх орчинд 7000С-д 150 минут хайлуулахад усанд уусдаг натрийн молибдат (Na2MoO4), перренат (NaReO4) ба натрийн сульфат үүсэж байв. Натрийн молибдатын уусалт 98.7%, уусгалтын хатуу үлдэгдэлд 4 мг/кг-аас бага рений үлдэж байна. Уусмалаас молибден, ренийн нэгдлүүдийг талстжуулах, ион-солилцлол болон хандлалтын аргаар өндөр цэвэршилттэй бүрэн гүйцэд ялгаж авна. Технологийн бүдүүвч, заавар.
3. Молибденитийн баяжмалыг 550-6000С-д хүчилтөрөгчийн орчинд шатаахад МоО3-ын агуулга 98.4-96.5%, ренийн ууршилт 76-95% байна. Тоосонцорт молибден 6% хүртэл байх ба тоосонцорыг уусгахад түүний 20 орчим хувь нь уусна. Харин рений 90% хүртэл уусдаг зэрэг ТЭЗҮ боловсруулахад шаардлагатай параметрийг олов. Энэ аргаар өндөр цэвэршилттэй МоО3 гаргаж авах ба баяжмал дахь ренийн 95%-ийг ялгаж авна.
Тоосонцорт ренийгээс гадна молибден, чөлөөт хүхрийн хүчил агуулагдана. Тоосонцорыг исэлдүүлэн уусгаж, Re2O7-ыг перренат хэлбэрт шилжүүлэн шингээгч давирхайгаас 0.5 N NH4CNS-ын уусмалаар десорбцилж, 20 цаг орчим хугацаанд 15-80г/л болтол 600С-д өтгөрүүлнэ. Уусмалыг 2 цаг 50С хүртэл хөргөөд ренийг аммонийн перренат хэлбэрээр талстжуулах ба энэ процессыг өндөр цэвэршилттэй бүтээгдэхүүн гартал давтана. Перренатын талстыг 850С-д хатааж савлана. Өдөрт 25 кг орчим NH4ReO4 үйлдвэрлэх ТЭЗҮ боловсруулсан.