Дээд боловсролын салбарын цахим нэгдсэн номын сангийн төсөл
Салбар : Нийгмийн шинжлэх ухаан
Төслийн дугаар : 9087036
Төслийн төрөл : ШУТ төсөл
Хугацаа: 2016-2019
Санхүүжилт: 68,000.0 мян.төг
Түлхүүр үг : Номын сан, мэдээлэл, цахим сүлжээ, ном хэвлэл, сургалтын баримт, Коха
Үр дүн
20 их дээд сургуулийн номын сангийн орчны судалгааг хийж, сургалтын хэрэглэгдэхүүнийг цахимжуулах талаар сургууль тус бүр дээр зааж сургасны үндсэн дээр 19.405 нэрийн сургалт, эрдэм шинжилгээний баримт, 11.577 диссертацийг МУҮНС-д ашиглагдаж буй “Коха” программд оруулж, “Эрдэм судлал” нэртэй мэдээллийн бааз үүсгэн нэгдсэн сүлжээг буй болгов.
Төсөлд хамрагдсан 20, нэмэлт 3 номын сангийн нэр бүхий номзүйч, цахим каталогчид МУҮНС төвтэй “Эрдэм судлал” мэдээллийн санд нэвтэрч мэдээлэл дамжуулах технологийг эхлүүлэв. Мөн сургууль хооронд төдийгүй, МУҮНС-аас мэдээллийн хайлтыг хийж цөахимаар захиалга өгөх, тухайн номын санд өөрийн үнэмлэхээр очиж унших боломжийг судалж зөвлөв.
“МУҮНС дахь докторын диссертацийг” цахимжуулах ажлыг бодит байдалд судалж туршин, дээд боловсролын салбарын магистр, докторын ажлыг цахимжуулах загвар бүхий гарын авлагыг боловсруулж ашиглуулж байна. Мөн том хэмжээний, өвөрмөц хэлбэртэй баримт, тухайлбал, газрын зураг, хүн амьтны биологийн атлас, ноотны баримтыг цахимжуулах загварыг МУҮНС дээр туршиж гарын авлагаар ханган ажиллав.
Ном баримтыг цахимд бүрэн хэлбэрээр оруулах ажлыг сургуулийн удирдлага, зохиогчийн хоорондох гэрээгээр шийдвэрлэх, цахимжсан баримтыг:
* Үүлэн (cloud) технологийг ашиглах;
* E-PUB-г ашиглах;
Энгийн зөөврийн төхөөрөмжийг ашиглан архивлах боломжтой гэж Төслийн баг, 60 гаруй номын санч, номын санд ажиллаж буй IT инженерүүдийн зөвлөгөөнөөр шийдвэрлэв.
Монгол улсын нийт номын сангуудыг олон улсын нэгдсэн индекс, кодоор нэвтэрч ажиллах талаар 3 гарын авлагыг боловсруулж ашиглуулав. МУИС, БХИС-ийн номын снгийн ангиллыг олон улсын ангилалд шилжүүлэх ажлыг эхлүүлэв.