Төвлөрсөн дулаан хангамжийн системийн буцах дулааныг халаалтад ашиглах
Салбар : Инженерийн ухаан, технологи
Төслийн дугаар :
Төслийн төрөл : ШУТ төсөл
Хугацаа: 2016-2017
Санхүүжилт: 50000.00 мян.төг
Түлхүүр үг : дулаан хангамж, горим, ачаалал, хэрэглээ, дулааны насос,
Үр дүн
1. “Төвлөрсөн хангамжийн сүлжээний горим, ачаалал, хэрэглээний судалгаа“ гэсэн бүлэг болгон 5 зүйлтэйгээр тайланд оруулав. Үүнд:
- Төвлөрсөн дулаан хангамжийн сүлжээний горим, ачаалал, хэрэглээний судалгаа явуулах аргачлал;
- Улаанбаатарын дулаан хангамжийн сүлжээний горим, ачаалал, хэрэглээний судалгаа;
- Улаанбаатарын дулаан хангамжийн сүлжээний 40-50°С халуунтай буцах усны судалгаа, нөөц;
- Дарханы дулаан хангамжийн сүлжээний горим, ачаалал, хэрэглээний судалгаа;
- Дарханы дулаан хангамжийн сүлжээний 40-50°С халуунтай буцах усны судалгаа, нөөц зэргийг тус тус хийсэн болно.
2. “Улаанбаатарын гэр хорооллын дахин төлөвлөлт, түүний дулаан хангамж” гэсэн бүлгийг Улаанбаатарын гэр хороолол ба агаарын бохирдол; Улаанбаатарын гэр хорооллын дахин төлөвлөлт гэсэн зүйлтэйгээр бичиж оруулав.
3. ДШС-тэй зэрэгцээ ажиллах ДН-ы хэдэн хувилбарыг авч үзэв. Төвлөрсөн дулаан хангамжийн сүлжээний буцах усны халууныг бууруулснаар гарах үр ашгийг тооцох аргачлал боловсруулж УБ-ын ТДХС-нд гарах хэмнэлтийг тооцов. Мөн судалгааны 2 өгүүлэл бичиж Эрчим & engiinering сэтгүүлд хэвлүүлэв.
4. Дулааны насосын ажиллах зарчим, ашиглах технологийн тухай авч үзэн энэ сэдвээр тус тайланд бүлэг болгон оруулав.
Дулааны сүлжээний буцах усаар ажиллах дулааны насосны техник, эдийн засгийн судалгаа гэсэн бүлэг бичиж эл тайланд оруулав. Дулаан цахилгааны төв бүхий дулааны сүлжээний буцах усыг дулааны насосонд ашиглахад гарах үр ашгийг үнэлэх аргачлал боловсруулж тооцоо хийв.
5. Монгол орны нөхцөлд дулааны насосыг ашиглах хувилбарууд саналыг дэвшүүлэв.