Арьс шир боловсруулах процессуудын орчны хэлбэлзлийг тогтворжуулах дэвшилтэт технологи
Салбар : Инженерийн ухаан, технологи
Төслийн дугаар :
Төслийн төрөл : ШУТ төсөл
Хугацаа: 2016-2017
Санхүүжилт: 50000.00 мян.төг
Түлхүүр үг : дэвтээх, үс авах, идээлэх, сульфат, устөрөгчийн хэт исэл, биоорганик идээлэг
Үр дүн
Арьс ширийг /хромгүй/ органик идээгээр идээлэх сорилт судалгаа хийсэн 5 хувилбараас экологийн ба эдийн засгийн хувьд тохиромжтой хувилбар нь органик идээлгийн арга байв. Үүнд:
1. Органик идээлэгчээр идээлсэн арьсны микро бүтцийг электрон микроскоп /SEM/ дээр шинжилж багцын задралтыг хромоор идээлсэн арьстай харьцуулан үзэхэд багцын задрал маш сайн байв.
2. Органик идээлэгчээр хонь, ямааны арьс, үхрийн ширийг идээлэх технологийн параметрүүдийг тогтоов /хугацаа, агших температур, уусмалын рН ба температур, шингэний коэффициент г.м/.
3. Органик идээлэгтэй арьсны хими, физик-механикийн үзүүлэлтүүдийг тодорхойлж, стандарт идээлэгтэй арьсныхтай харьцуулан жишиж үзэв. MNS-ын үзүүлэлтэд тохирч бат бөх чанар нь хэвийн, агшилтын температур 75-80 0С байв.
4. Идээлгийн ашигласан шимэнд уусмалын орчин, химийн хэрэгцээт хүчилтөрөгч, биологийн хэрэгцээт хүчилтөрөгч, хуурай үлдэгдэл зэрэг гол үзүүлэлтүүдийг тодорхойлж улсын зөвшөөрөгдөх дээд хэмжээний нормтой харьцуулахад ихэнх үзүүлэлтээр хангалттай байсан.
5. Органик идээлгийн технологи нь үйлвэрлэлийн явцад бүтээгдэхүүн ба хаягдал усанд хром, хлор, сульфид агуулаагүй байгаа нь нотлогдсон.
6. Органик идээлэгчийг хэрэглэснээр усны зарцуулалтыг 70 %, химийн материалын хэрэглээг 43 % бууруулах ба идээлгийн 5 процессыг 2 болтол хураангуйлсан, эрчим хүчний хэмнэлттэй технологи болохыг тогтоолоо.