Татварын бодлого, багц хуулийн шинэчлэл эдийн засагт үзүүлэх нөлөөллийн судалгаа
Салбар : Нийгмийн шинжлэх ухаан
Төслийн дугаар : 9070001027
Төслийн төрөл : ШУТ төсөл
Хугацаа: 2018-2019
Санхүүжилт: 58,000.0 мян.төг
Түлхүүр үг : Татварын бодлого, шинэчлэл, эдийн засаг
Үр дүн
Төслийн тайлан нь оршил, 6 бүлэг, 14 дэд сэдэв, дүгнэлт гэсэн бүтцийн хүрээнд бичигдсэн.
I бүлгийн хүрээнд:
-Татварын бодлогын шинэчлэл, хөгжлийн чиг хандлагыг Олон улс болон Монгол Улсын түвшингээр тус тус судалсан.
-Татварын эдийн засагт үзүүлэх нөлөөллийг макро эдийн засгийн гол үзүүлэлтүүд болон татварын ачааллын зохистой түвшинг тодорхойлох тооцоолол хийсэн.
-Татварын өөрчлөлт, шинэчлэл нь хөрөнгө оруулалтад хэрхэн нөлөөлж байгааг хүчин зүйлийн шинжилгээ хийж болон хүчин зүйлийн ач холбогдлын үнэлгээ хийсэн. Мөн татварын хувь хэмжээний өөрчлөлт нь хөрөнгө оруулалтын өөрчлөлтөд хэрхэн нөлөөлж байгааг харуулсан мэдрэмжийн шинжилгээг татварын төрөл бүрээр хийж үнэлэлт дүгнэлт өгсөн.
II бүлгийн хүрээнд:
-Татварын шинэчлэлийн нөлөөллийг орлогын татварын нэг төрөл болох ХХОАТ, хэрэглээний татварын үндсэн төрөл НӨАТ-ын жишээн дээр тус тус судалж, татвар төлөгчид болон төсвийн орлогын бүтцийн өөрчлөлт, тэдгээрийн хамаарлын судалгааг 3 дэд сэдвийн хүрээнд авч үзсэн.
III бүлгийн хүрээнд:
-Татварын эрх зүйн орчин түүний шинэчлэлийн асуудлыг Орон нутгийн төсвийн түвшинд авч үзэж тулгамдаж буй асуудлуудыг тодорхойлсон.
-Олон улсын татвар ногдуулалттай холбоотой үүсч буй асуудлуудыг Үнэ шилжилтийн асуудлын жишээн дээр авч үзсэн.
IY бүлгийн хүрээнд:
-Татварын багц хуулийг шинэчлэх үндэслэл, шаардлагыг Монгол Улсын татварын тогтолцоонд тулгарч буй газар, газраас бусад үл хөдлөх хөрөнгийн бүртгэл; үл хөдлөх хөрөнгийн үнэлгээ, үл хөдлөх хөрөнгийн татварын суурийг өргөтгөх боломжийн судалгааг / Нийслэлийн татварын газрыг судалгааны объетоор сонгон/ хийж үнэлэлт дүгнэлт өгсөн.
Y бүлгийн хүрээнд:
-Татварын багц хуулийн шинэчлэл түүний нөлөөллийн шинжилгээг 2019 оны татварын багц хуулинд орсон шинэчлэлийн нөлөөллийн таамаглалыг ААНОАТ, НӨАТ-ын төрлүүдээр хийсэн.
YI бүлгийн хүрээнд:
-Татварын албанаас үзүүлэх үйлчилгээ, бодлогын шинэ стратеги хувилбар боловсруулахтай холбоотой олон нийтийн татвар төлөх хандлагын түвшин, иргэд бизнес эрхлэгчдийн татварын талаарх мэдлэг, мэдээллийн түвшинг тодорхойлох ЧАНАРЫН судалгаа хийж, санал зөвлөмж гаргасан.
Дээрх тоон болон чанарын судалгааны үр дүнд Үндэсний хэмжээний ЭШХ зохион байгуулж, судалгааны үр дүнг эрдэмтэн мэргэжилтнүүдийн хүрээнд хэлэлцүүлж мэргэжлийн түвшинд хянагддаг ЭШ-ний сэтгүүлд өгүүлэл болгон хэвлүүлсэн (Мөнгө санхүү сэтгүүл,ISSN 2532-417X, 2019 №02(5) МУИС.
-Мөн судалгааны үр дүнгээр ОУ-ын ЭШХ-д илтгэл хэлэлцүүлсэн Suvdaa Damiran ,SME development and Tax environment in Mongolia, (IFEAMA,15th Conference on “Innovation Management for the Sustainable and Inclusive Development in a Transforming Asia”,Kyoto University, Japan),2019.06.18-19
-Иргэд,бизнес эрхлэгчдийн татварын мэдлэг, мэдээллийн түвшинг тодорхойлох ЧАНАРЫН судалгаа (Онол-Арга ТББ) хийж судалгааны тайланд хавсаргасан болно.