Нүүдлийн соёл, орчин үеийн чиг хандлага хосолсон хувцас загвар зохион бүтээхэд малын гаралтай түүхий эдийг ашиглах нь
Салбар : Инженерийн ухаан, технологи
Төслийн дугаар :
Төслийн төрөл : ШУТ төсөл
Хугацаа: 2019-2020
Санхүүжилт: 99,400.0 мян.төг
Түлхүүр үг : Ноолуур, гүзээн савхи, хагас нарийн ээрмэл, нимгэн сүлжмэл, брэнд
Үр дүн
1. Ноолуур ба гүзээн савхиар үйлдвэрлэсэн эцсийн бүтээгдэхүүнийг борлуулах тансаг зэрэглэлийн зах зээлийн судалгааны тайлан гарав.
2. Монголчуудын нүүдлийн өв соёл, ёс заншил, гоо сайхны мэдрэмж нь оюуны болон эд өлгийн баялагтаа шингэн уламжлагдаж ирсэн түүхэн уламжлалд тулгуурлан орчин үеийн чиг хандлагад нийцсэн, хүн мал байгальд ээлтэй материал, технологиор нийгэмд эерэг үзэл санаа агуулсан, хүн өмсөхөд тааламжтай бүтээгдэхүүний дизайны концепцийг гаргасан судалгааны тайлан гаргав.
3. Доктор Р.Бадмаанямбуу нарын олон жилийн судалгааны ажлын үр дүнд гарган авсан, №4128 дугаартай патентлагдсан аргаар шинэ загварт зориулсан 48/2 номерын хагас нарийн ээрмэл үйлдвэрлэж, сүлжмэлийн коллекцод ашиглав. Харин уг технологид тохирох түүхий эдийг сонгож, илүү уртлаг буюу L=>40 мм дундаж урттай самнасан ноолуур гарган авч ээрмэл үйлдвэрлэхэд ашигласан нь онцлог байлаа.
4. Хагас нарийн ээрэх системээр үйлдвэрлэсэн сүлжмэлийн зориулалттай 48/2 номерын ээрмэлээр Юнайтед кашемир ХХК-д Stoll фирмийн 16-н гейчийн сүлжих машинаар натурал (01, 02, 04, 42) өнгөөр эрэгтэй, эмэгтэй 4 төрлийн загварын Buuvee брэндийн сүлжмэл бүтээгдэхүүн, Pantone өнгөөр будсан 42 төрлийн эх загвараас сонгож 22 төрлийн туршилтын бүтээгдэхүүн үйлдвэрлэв.
5. 100%-ийн ноолууран 48/2 номерын хагас нарийн ээрмэлээр сүлжсэн сүлжмэл бүтээгдэхүүний эцсийн гүйцэтгэн боловсруулалтын технологийг зөөлрүүлэгч бодистой болон бодисгүй гэсэн 2 төрлийн оновчтой горим боловсруулсан.
6. Төслийн хүрээнд 48/2 номерын нарийн ноолууран ээрмэл, арьс гүзээн савхиар хийхэд тохиромжтой шинэ загварын 60 эскиз зураг гаргаснаас 22 загвар нь ноолууран сүлжмэл бүтээгдэхүүн, 20 загвар нь оёмол болон арьсан бүтээл болсон.
7. Дэлхийн загварын ертөнцөд уламжлалт нүүдлийн загварыг европ загварын чиг хандлагатай хослуулсан цоо шинэ “Монгол брэнд” сурталчлах зорилгоор ноолууран сүлжмэл болон гүзээ арьсан хувцасны фото зургийг нүүдлийн шувуу буюу тогоруу нүүдэллэн ирдэг Хэнтий аймгийн нутагт зураг авалтыг төслийн багийн гишүүд загвар өмсөгчдийн баг, мэйк-ап, хөгжим, мэргэжлийн зураг авалтын агент, зэрлэг амьтан судлаачид зэрэг гэрээт ажилчдаас бүрдсэн 18, туслах ажилтан 3, нийт 21 хүнтэй өргөн бүрэлдэхүүнтэйгээр гүйцэтгэсэн. Уг ажлын үр дүнд каталог-2, брошур-1, постер-1 тус тус бүтээв