Хавдрын мэс заслын технологи
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : Цөм технологи
Хугацаа: 2012-2015
Санхүүжилт: 223,500.0 мян.төг
Түлхүүр үг : Мэс заслын технологи Хорт хавдар Нойр булчирхайн хорт хавдар
Үр дүн
1.Нойр булчирхайн толгой, их бие, сүүл хэсгийн өмөнгийн үед хийгдэх дурангийн болон нээлттэй мэс заслын аргачлал, технологи ба оёгч, үдэгч багаж ашиглах аргачлалыг боловсруулан төслийн хугацаанд одоогоор нийт 60 хүнд дээрх мэс заслыг амжилтай хийж амьдрах хугацаа, амьдралын чанарыг нь сайжруулаад байна. (Хавсралт 1, Хавсралт 3). Ингэснээр эрүүл мэндийн сайдын 2011 оны 107 дугаар тушаалаар баталсан гадаад орны эмнэлэгт илгээн эмчлүүлэх өвчний жагсаалтад багтдаг “нойр булчирхайн толгойн хэсгийн өмөн” болон нойр булчирхайн их бие, сүүл хэсгийн өмөн оношлогдсон өвчтөнүүд дээрхмэс засал эмчилгээг өөрийн орондоо, олон улсын стандартанд нийцсэн түвшинд хийлгэх боломжоор хангагдаж байгаа юм.
2.Уг мэс заслын арга, технологийг нэвтрүүлэхийн сацуу уг мэс заслыг хийж гүйцэтгэх баг, бүрэлдэхүүнийг бэхжүүлэх, сайжруулах зорилгоор 2014 оны 6-р сараас эхлэн ХСҮТ-н Элэг Цөс Нойр булчирхайн Мэс Заслын тасагт 1 жилийн хугацаа бүхий дагалдан эмчийн хөтөлбөрийг Нийслэлийн Эрүүл Мэндийн Газраар батлуулан хэрэгжүүлж эхлээд байна.
3.Энэхүү төслийг хэрэгжүүлж эхэлснээр төсвийн зардал болон гадаадруу гарах мөнгөний урсгалыг тодорхой хувиар бууруулан эдийн засгийн тодорхой үр ашгийг авчраад байна. Гадаад оронд дээрх мэс засал эмчилгээний төлбөр болон дагалдах эмчилгээ, замын зардал, дагалдан яваа хүний зардал зэргийг оруулаад дунджаар 80 сая төгрөгийн зардал гарч гадаадруу гарах мөнгөний урсгалыг нэмэгдүүлж байна. Мөн түүнчлэн 2014 оны байдлаар улсын төсөв буюу эрүүл мэндийн сайдын багцаас гадаад оронд эмчлүүлэх өвчний жагсаалтанд багтсан өвчтөн тус бүрд дунджаар 4 сая төгрөг олгож байна. Энэ төсөл хэрэгжиж эхэлснээс хойш нийт 60 хүнд мэс засал хийгээд байгаа ба үүнийг тооцож үзэхэд ойролцоогоор улсын төсвийн 240 сая төгрөг болон гадаадруу гарах 4,8 тэрбум төгрөгийн урсгалыг хэмнээд байна. Тиймээс энэхүү мэс заслыг өөрийн оронд хийдэг болсноор ирээдүйд Монгол улсын эдийн засагт нэлээдгүй хэмжээний хувь нэмрийг оруулаад байна.
4.Цаашид уг төрлийн мэс заслыг жилд хийх тоог нэмэгдүүлэх ба бусад 3-р шатлалын эмнэлгийн эмч нарыг сургах