Монгол орны хоёр нутагтан, мөлхөгчдийн захын популяцийн экологи, ангилал зүй, тархац, хамгаалах судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Дээд боловсролын шинэчлэлийн төсөл
Хугацаа: 2015-2016
Санхүүжилт: 27988.60 мян.төг
Түлхүүр үг : Герпетологи, хонин гүрвэл, тархацын загвар, герпетофаун, экосистем
Үр дүн
1.Элбэг, ховор тархалттай 15 зүйлийн генетикийн дээжийг авсан. Үүний хүрээнд БНСУ-д судалгааг хийлгэж 2 зүйл (Замба гүрвэл - Paralaudakia stoliczkana, Цоохор хонин гүрвэл - Phrynocephalus versicolor)-ийн митохондрын ДНХ-ийн COI генийн нуклеотидын дарааллыг тогтоосон.
2.Бидний нийт цуглуулсан мэдээллийн сангаас боломжит мэдээллийг боловсруулж Цоохор хонин гүрвэлийн тархцын загвар зураг, уурхайн олборлолт хэрхэн нөлөөлж болох мөн тархсан газрын ургамалжилтын зургийг гаргаж, санамсаргүй сонголтын 360 цэгт хэмжилт, судалгаа хийгдсэн үр дүнг боловсруулан цоохор хонин гүрвэл (Phrynocephalus versicolor)-ийн тархалтын зураглалыг хийсэн. Энэ үр дүнгээ ”JOURNAL of HERPETOLOGY”(ISSN:0022-1511; Impact Factor:1.030;) сэтгүүлд “ESTIMATING OCCUPANCY AND DETECTIBILTY OF TOAD HEADED AGAMA, WESTERN AND SOUTHERN MONGOLIA”өгүүлэлийг нийтлүүлэхээр хүлээлгэн өгсөн.
3.Монгол Улсын ТХГН-т хоѐр нутагтан, мөлхөгчдийн тархсан байдлын судалгааг гаргаж хамгаалах талаар санал боловсруулав. Үүгээр „„Монгол орны хоѐр нутагтан, мөлхөгчдийн судалгааны өнөөгийн байдал, хамгаалах асуудалд‟‟ – ОУ-ын хуралд хэлэлцүүлэгдсэн (ISSM2016, Daejeon, Korea–5-6OCT.2016), Орос - Монголын хамтарсан эрдэм шинжилгээний Залуу Эрдэмтдийн бага хуралд „„Herpetologecal research in Mongolia‟‟ сэдвээр илтгэл хэлэлцүүлэгдэв.
Оросын эрдэмтэдтэй С.Л.Кузьмин, Е.А.Дунаев нартай хамтарсан “Земноводные Монголии” ном 2017 онд Москва хотноо хэвлэгдэн гарав.
Сурталчилгааны тараах материал 2000 ширхэг боловсруулж нийтийн хүртээл болгов. Хичээл сургалтын үйл ажиллагаанд болон оюутан, суралцагч, сонирхогч иргэдэд зориулж амьд булан ажиллуулж байна.