Хөнгөн цөмийн энергийн спектрын судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Дээд боловсролын шинэчлэлийн төсөл
Хугацаа: 2015-2016
Санхүүжилт: 26800.00 мян.төг
Түлхүүр үг : Кластер, энергийн спектр, хөнгөн цөм, фото-урвал, урвалын огтлол
Үр дүн
1.Системийн өдөөгдсөн төлвийн энергийг тооцоолоход шаардагдах аналитик томъёоны гаргалгааг хийсэн. Гарган авсан томъёонуудын тусламжтайгаар Фортран программын хэл дээр шаардлагатай программ бичин дээрх хоёр цөмийн хувьд өдөөгдсөн төлвүүдийн энергийн утгуудыг тооцоолов.
2.Гарган авсан энергийн утгуудаа ашиглан цөмийн фото-урвалын огтлолыг тооцоолон, тухайн энергийн түвшинд харгалзах бага болон өндөр өдөөгдсөн төлвүүдээс цөмийн фото-урвалын огтлолд өгөх хувь хандвийг тооцоолж, хөнгөн цөмийг бүрдүүлэгч кластеруудийн ямар сувгуудаар тухайн урвал хэрхэн эрчимтэй явагдаж байгааг тайлбарлав.
3.Эдгээр гарган авсан үр дүнгүүдийг Америкийн физикийн нийгэмлэгээс эрхлэн гаргадаг Physical Review C сэтгүүлд 2016 онд хэвлүүлсэн. Хавсралт 1 үзнэ үү.
4.Цөмийн өгөгдөлзүй болон хөнгөн цөмийн кластер физикийн гурван жилд нэг удаа зохион байгуулагддаг томоохон хурлуудад 2016 оны 5 болон 9 сард Италийн Наполи, Белгийн Брюгге хотуудад аман илтгэл хэлэлцүүлэн, хурлын материалд нь илтгэлээ хэвлүүлэхээр өгсөн ба 2016 оны 6 сард МУИС дээр зохион байгуулагдсан Орчин үеийн физикийн асуудлууд сэдэвт олон улсын хуралд ханын илтгэлээр илтгэл хэлэлцүүлэн, үр дүнгээр өгүүлэл бэлдэн, хурлын материалд хэвлүүлэв.