Элэгдэлд тэсвэртэй металл хайлшин эд ангийн элэгдлийг лазерын шавалтын аргаар сэргээн засварлах судалгаа
Салбар : Инженерийн ухаан, технологи
Төслийн дугаар :
Төслийн төрөл : Дээд боловсролын шинэчлэлийн төсөл
Хугацаа: 2015-2016
Санхүүжилт: 28000.00 мян.төг
Түлхүүр үг : Элэгдэлд тэсвэртэй метал хайлш, лазер боловсруулалт, механик шинж, хатуулаг, элэгдэл, микробүтэц
Үр дүн
1.Төслийн үр дүнгийн даалгаврын 5 шалгуур үзүүлэлтүүд биелсэн.
2.Судалгааны ажлаар материал боловсруулалтын лазерын технологийн аргыг эд ангийн түүний дотор сэргээн засварлагдах боломжгүй гэж тооцогддог ИЧХ28Н3 цагаан ширмэн дээр анх удаа хэрэглэсэн.
3.Элэгдэлд тэсвэртэй цагаан ширмийг лазерын аргаар гагнах, төрөл бүрийн шавалтын материал шавах зэргээр боловсруулах бүрэн боломжтой болохыг тогтоосон.
4.Судалгааны үр дүнд ИЧХ28Н3 ширмээр цутгаж хийдэг Грат-1400 насосны хамгаалах дискийг бага зардлаар үйлдвэрлэх технологийн шийдэл боловсруулсан.
5.Грат-1400 насосны эд ангийн загварыг 3D хэвлэх аргаар хэвлэх аддитив мануфактурын (laser additive manufacture) арга хэрэглэсэн.
6.ИЧХ28Н3 ширмийг лазерын боловсруулалтаар боловсруулсан судалгааны үр дүнгээр 2 илтгэл бэлдэн дараах ЭШ-ий сэтгүүлүүдэд хэвлүүлэхээр өгсөн. 1) АНУ-ын Laser Institution of America байгууллагын “Journal of laser application” сэтгүүл, 2) Elsevier –ийн International “Journal of Refractory Metals and Hard metals” сэтгүүлүүд болно. Материалыг хавсралтад оруулсан.
7.Нэг патентын мэдүүлэг бэлэн болгож АНУ-ын патентын байгууллагад хандсан боловч түвэг ихтэй бөгөөд өндөр үнэтэй байсан учир больсон. Харин Монголд ирсэний дараа 2 ш мэдүүлэг бэлтгэн Монгол улсын патентын албанд хүсэлт гаргасан.