Эко элсэн байшин эдийн засгийн үр ашигтай байгальд ээлтэй барилгын шинэ технологи турших, нэвтрүүлэх судалгаа
Салбар : Инженерийн ухаан, технологи
Төслийн дугаар :
Төслийн төрөл : Дээд боловсролын шинэчлэлийн төсөл
Хугацаа: 2015-2017
Санхүүжилт: 27,907.8 мян.төг
Түлхүүр үг : Элсэн байшин, шуудайтай элс, хөрсний шинж чанар, дулаан алдалт, байгальд ээлтэй. Энгийн технологи, Полипропилен уут
Үр дүн
Туршилтын дүнгээр ширхэглэгийн модуль нь 1,5-2 бүхий MNS 0392:2014 “Барилга байгууламжийн ажилд хэрэглэх, техникийн шаардлага” стандартын шаардлага хангасан жижиг ширхэглэгтэй элс хэрэглэх нь хамгийн тохиромжтой байна.
Дээрх ширхэглэгийн элсний сүвэрхэг чанар их байгаа тул түүний дулаан болон дуу тусгаарлалтын үзүүлэлт өндөр байна.
Шуудайн дүүргэлтийн туршилтаар 50%-ийн дүүргэлттэй элс хамгийн өндөр нягтрашил, шүргэлцлийн талбай хамгийн их, ханын тогтворшил болон ачаа даах чадвар өндөр, ханын өнгөлгөөний зуурмагийн барьцалдалт хамгийн сайн байснаас гадна, зуурмагийн хэмжээ бага байлаа. ажлыг ШУТИС-ын Барилга Архитектурын Сургуультай хамтран Эко элсэн барилгын сургалтын программ боловсруулсан.
2м өндөртэй шуудайтай элсэн ханын даацын туршилт болон ханыг хэрхэн өрөх талаарх сургалтыг 3 удаа хийж, нийт 100 гаруй хүн сургалтанд хамрагдсан.
Дээд боловсролын шинэчлэл төслийн хүрээнд ШУТИС дээр зохиогдсон үзэсгэлэнд оролцож, “Барилга.MN” сэтгүүлийн 10-р сарын дугаарт “Элсэн байшингийн технологийг Монголд нутагшуулах боломж” өгүүлэл хэвлүүлж, “Барилгын хөгжил ба ирээдүй” эрдэм шинжилгээний хуралд амжилттай оролцсон.
Загварын элсэн барилгын зураг, төсөв гарган ШУТИС-БАРИЛГА АРХИТЕКТУРЫН СУРГУУЛЬ -ийн зуны дадлагаар 11 оюутан 2 магистер болон 3 ажилтанд сургалт явуулж, дадлага хийлгэн тус сургуулийн Горхи дах полигон дээр загварын барилгыг барьсан.