Монгол орны усны нөөцийн хомсдолтой бүс нутгийн нүүрсийг гравитацийн дэвшилтэт технологи ашиглан хуурай аргаар баяжуулах технологийн судалгаа
Салбар : Инженерийн ухаан, технологи
Төслийн дугаар :
Төслийн төрөл : Дээд боловсролын шинэчлэлийн төсөл
Хугацаа: 2015-2016
Санхүүжилт: 28,000.0 мян.төг
Түлхүүр үг : Агаарын тунаах машин, агаарын сэгсрэх ширээ, агаарын хүнд орчинд баяжуулах технологи, Allair технологи, КАТ технологи, FGX технологи, SEPAIR технологи
Үр дүн
Нарийнсухайтын нүүрсний уурхайгаас 2 удаа дээж авч, нүүрсний иж бүрэн шинжилгээг гүйцэтгэн, судалгааны ажлын үр дүнг Нүүрс баяжуулалтын XVIII конгресст (XVIII International Coal Preparation Congress 28 June–01 July 2016 Saint-Petersburg, Russia) хэлэлцүүлсэн ба 1 эрдэм шинжилгээний өгүүллийг Springer ангилалын хурлын эмхтгэлд хэвлүүлсэн.
FGX, KAT болон Allair технологийн 3 цуврал туршилтыг амжилттай гүйцэтгэсэн ба нэмэлтээр ОХУ-ын SEPAIR технологийн туршилтыг амжилттай гүйцэтгэсэн. Судалгааны ажлын үр дүнг боловсруулан нийт 8 эрдэм шинжилгээний өгүүллийг дотоодын болон гадаадын эрдэм шинжилгээний хурлуудад хэлэлцүүлэн нийтлүүлсэн.
Дээрхи 3 технологийн давуу болон дутуу талуудад дүн шинжилгээ хийж, Нарийнсухайтын нарийн ширхэглэлтэй нүүрсний шинж чанарт тохирох хуурай тунаах машины эхний загварыг зохион бүтээж, амжилттай туршсан. Шинээр зохион бүтээсэн төхөөрөмжийг “Хуурай хүнд орчинд тунаах машин” нэртэйгээр патент авахаар материалаа бүрдүүлсэн.
М.Базаррагчаа докторантын докторын ажлын туршилт судалгааны хэсгийг амжилттай бүрэн гүйцэтгэсэн. М.Базаррагчаа докторант нь докторын диссертациа бичсэн ба эхний хэлэлцүүлэгт орсон. Энэхүү ажлын хүрээнд Ц.Дүүрэн-Өлзий “Нарийнсухайт ордын нүүрсийг хуурай аргаар баяжуулах технологийн судалгаа” сэдвээр магистрын ажлаа гүйцэтгэж, амжилттай хамгаалсан.