Цахиурын ислээр бүрсэн нано хэмжээст төмрийн соронзон ширхэг гарган авч анагаах ухааны оношлогооны технологид нэвтрүүлэх судалгаа
Салбар : Инженерийн ухаан, технологи
Төслийн дугаар :
Төслийн төрөл : Дээд боловсролын шинэчлэлийн төсөл
Хугацаа: 2015-2016
Санхүүжилт: 28000.00 мян.төг
Түлхүүр үг : Сооронзон шинж чанар, төмрийн оксид, цахиурын оксид, төмрийн хүдэр, нуклейн хүчил, нанохэмжээст ширхэг
Үр дүн
. Нано хэмжээст төмрийн ширхэгүүдийг төмрийн давсуудаас синтезлэх, байгалийн төмрийн хүдрүүдийг нунтаглах замаар гарган авав. Төмрийн оксидын нано хэмжээст ширхэгүүдийн гадаргууг цахиурын оксидоор бүрж үүссэн ширхэгүүдийг ашиглан анагаах ухааны оношлогоонд нуклейн хүчил ялгахад хэрэглэх шинэ технологийг Монгол улсад бий болгов. Энэхүү шинэ технологийг өгүүлэл болгон олон улсын “International journal of Metals” сэтгүүлд хэвлүүлэхээр илгээв.
Шинэ бүтээлийн 1 патентын мэдүүлгийг гаргав.
2. Цахиурын оксидоор бүрсэн төмрийн соронзон ширхэгийг ашиглан өвчин үүсгэгч микроорганизмыг нуклейн хүчлийн түвшинд илрүүлэх оношлогооны цомог зохион бүтээх технологийг бий болгов. Энэ ажлын хүрээнд биологийн дээжүүдээс өвчин үүсгэгч бактери, вирусын нуклейн хүчлийг ялган авах оношлогооны цомгийн загвар гаргаж, арга зүйг боловсруулав.
3. Шинэ Монгол Технологийн Дээд Сургууль, МУИС, АШУҮИС-ийн бакалавр, магистр, докторын түвшний оюутнууд, судлаачдаас бүрдсэн судалгааны баг бүрдүүлж, хамтран ажиллаж, судалгаа явуулах туршлагыг хуримтлуулав. Судалгааны дүнг Гранд мед эмнэлэгийн эрдэм шинжилгээний 3 дугаар хуралд 1 аман илтгэл хэлбэрээр хэлэлцүүлэв.
4. Шинэ Монгол Технологийн Дээд Сургуульд бакалавр, магистрын түвшний оюутнуудад зориулж сургалт, судалгааны Бионано-материалын инженерчлэлийн лабораторийг байгуулж, тохижуулан, лабораторийн үндсэн хэрэгслүүдээр тоноглов.