Төрөл бүрийн бүтэцтэй феррит нэгдлүүдийн кристалл бүтэц, соронзон болон богино долгионы шинж чанарын онцлог
Салбар : Байгалийн шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2022-2023
Санхүүжилт: 25,000.0 мян.төг
Түлхүүр үг : Соронзон материалууд, Гегсаферрит, Гарнет, цахилгаан болон соронзон шинж чанар, кристал болон соронзон бүтэц,
Үр дүн
Гарган авсан BaFe12-xBixO19 дээжүүдэд x = 0.6 –аас эхлэн нэмэлтээр BiFeO3, BiO2, BaBi2O6, Ba0.5Bi1.5O2.16 фазууд илэрсэн. Хольцын хэмжээ ихсэх тусам соронзон шинж чанар буурч байсан ба x = 0.6 –аас эхлэн огцом соронзон шинж чанараа алдаж байсан нь нэмэлт фаз үүссэнтэй холбоотой байлаа. Богино долгионы шинж чанар нь 1–4 ГГц ба 4–18 ГГц гэсэн хоёр давтамжийн мужид хуваагдаж байгааг тогтоолоо. Эхний мужид цахилгаан соронзон шингээлтэд гол нөлөө үзүүлж буй хүчин зүйл нь соронзон алдагдал байв. Хоёр дахь мужид туйлшралын улмаас үүсэх цахилгаан алдагдал гол нөлөө үзүүлж байгааг тус тус тогтоов. Судалгааны үр дүнгээр ЭШӨ – 1 –ийг хэвлүүлэв.
Y3AlxFe5-xO12 нэгдлүүдийн хувьд хольцын хэмжээ ихсэхэд кристал торын эзлэхүүн агшиж байсан ба ямар нэгэн нэмэлт фаз, кристал бүтцийн фазын шилжилт илрээгүй. Харин соронзон шинж чанарын судалгааг гүйцэтгэхэд x = 1.5 –аас эхлэн хоёрдогч фаз илэрсэн бөгөөд улмаар x = 2.0 болоход феррисоронзонгоос парасоронзон болж фазын шилжилт ажиглагдсан. Цахилгаан дамжууллын шинж чанарын хувьд хольцын хэмжээ ихсэх тусам сайжирч байгааг тогтоосон. Судалгааны үр дүнгээр ЭШӨ – 2 –ыг хэвлүүлэв.
BaFe12-xBixO19 (x=0.1-1.2) нэгдлийн физик шинж чанарыг нягтын функционалын онолоор тайлбарлав. Судалгааны үр дүнгээр ЭШӨ – 1 –ийг хэвлүүлэв.