Импульсын хэт авиагаар өдөөгдсөн кавитацийн босгын онолын үнэлгээ , түүний шингэний физик шинж чанараас хамаарах нь.
Салбар : Байгалийн шинжлэх ухаан
Улсын дугаар : 3745
Хамгаалсан он : 1991
Түлхүүр үг : математик загварчлал, шугаман бус резонанс, аттрактор, тооцоолон бодох арга
Аннотаци
Хэт авианы физик, биологи, химийн эффектүүдийн ихэнх нь акустик кавитацийн үзэгдэлтэй холбоотой. Кавитацын технологийг аж үйлдвэр, хүнс, хими, биотехнологи, анагаах ухаанд өргөнөөр ашиглаж эхэлсэн тул кавитацийн идэвхжлийн буюу хэт авианы эффектүүдийг үүсгэх босгыг тодорхойлох асуудал чухал ач холбогдолтой юм. Кавитац болон түүний босгыг туршилтаар, акустик, оптик ба химийн арга ашигладаг боловч тэдгээрийн үр дүнгийн зарим нь өөр хоорондоо зөрөх эсхүл зөрчилдөж байдаг.
Кавитацыг үүсгэх, түүнийг тогтворжуулах нэн төвөгтэй бөгөөд орчинд олон хүчин зүйлээс зэрэг хамаарах турбулент урсгалд, хэдхэн миллисекундэд явагдах импульсын кавитацын процессын онол өнөө хэр гүйцэд боловсрогдоогүй байна.
Макро төвшинд боловсрогдсон технологи, судалгааны үр дүнг микро болон нано төвшинд шууд ашиглахад хүндрэлтэй байгаа тул онол, арга зүй, технологийн нарийвчилсан судалгаа хийх шаардлага гарч байна. Шингэн дэх турбуленц, кавитацын үзэгдэл нь шугаман бус, ээдрээт процесс тул түүнийг туршилтаар гэхээсээ математик загварчлалын, тооцоолон бодох аргаар судлахаас өөр аргагүй юм.
Энэ ажилд импульсын хэт авиагаар өдөөгдсөн кавитацийн босгын онолын үнэлгээг кавитацын динамикийн Жильморын шугаман бус дифференциал тэгшитгэлд суурилсан математик загварыг тооцоолон бодох Рунге-Кутт-Фельбергийн адаптив аргаар бодсон. Кавитацийн идэвжлийэ босгыг тооцоолохдоо, тэлэлтийн максимум радиус ба кавитацийн бөмбөлөгийн агшилтын үед үүсэх максимум температурыг тооцсон хосолмол шинжүүрийг ашигласан болно. Акустик 0,5 – 3 МПа даралт,
0.8-10 МГц давтамжтай импульст долгионоор өдөөгдсөн 3 микрометрээс -500 нано метрийн кавитацын бөмбөлгийн хэлбэлзлийн динамик, идэвхжлийн босгыг тооцоолж, түүний акустик үрны параметрууд болон шингэний физик шинж чанараас хамаарах хамаарлыг тогтоосон. Судалгааны үр дүнг туршилтын болон онолын бусад судалгаатай харьцуулсан болно.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0