Фотодинамик эмчилгээ (ФДЭ) гэдэг нь тодорхой гэрлийн долгионы уртад идэвхжих эмийн бодис фотосенситайзерыг гэрлээр шарж идэвхжүүлснээр фотохимийн урвал явагдаж, түүний дүнд идэвхт үйлчлэгч бодис дан молекулт хүчилтөрөгч /1 О2/ бий болж эмгэгтөрүүлэгчдийг устгадаг эмчилгээний нэгэн шинэ арга юм. ФДЭ-г бактер, вирус, мөөгөнцөр, паразитын халдварын эсрэг ашиглаж болохыг судалгаагаар тогтоожээ. Бактери болон бусад нянгийн халдварыг ФДЭ-ээр устгах нь ердийн антибиотик эмчилгээнээс дасал болдоггүйгээрээ онцлог бөгөөд сенситайзеруудын фотодинамик идэвх нь тэдгээр нэгдлүүдийн химийн бүтцээс ихээхэн хамаарна.
Нянгийн эсрэг идэвхийг арьсны элдэв шарх, түлэгдэлтийг төлөөлүүлэн хүний цусны сийвэн болон ийлдэсний альбумин уургийн орчинд болон туршилтын хулгана дээр зохиомлоор шарх үүсгэн туршин сорив. Энэхүү судалгаагаар ароматик бус цагираг нэгдэл бүхий метил(пиро)феофорбайд-а уламжлалт нэгдлүүд нь S.aureus, S.epidermidis ба E.coli бичил биетнүүдийн эсрэг устгах идэвхтэй байв.
Боловсролын доктор(PhD)
Бүтээлийн тоо : 1
Ишлэгдсэн тоо : 0