Хэрэглэгчдийн өнгөрсөн дурсамж нь зар сурталчилгааны хандлага, брэндийн хандлага болон бусдад дамжуулах хүсэл эрмэлзлэлд нөлөөлөх нөлөөлөлтэй холбоотой судалгаа.Хүйс, Үнэ цэнэ, Дурсамжийн түвшин, Сэтгэл хөдлөлийн бүлэгт тулгуурлан
Салбар : Нийгмийн шинжлэх ухаан
Улсын дугаар : 3642
Хамгаалсан он : 2017
Түлхүүр үг : дурсамж, сэтгэл хөдлөлийн үнэ цэнэ, бодит үнэ цэнэ, эерэг сэтгэл хөдлөл, сөрөг сэтгэл хөдлөл
Аннотаци
Уг судалгаа нь Солонгос болон Монголын хэрэглэгчдын өнгөрсөн цаг үеийн дурсамжинд тулгуурласан зар сурталчилгааны хандлага, брэндийн талаарх хэрэглэгчдын хандлага болон бусдад санал болгох хүсэл эрмэлзлэлийн хоорондох харилцан хамааралыг тогтоох, мөн хэрэглэгчийн хүйс, үнэ цэнэ, зар сурталчилгаатай холбоотой дурсамж, эерэг болон сөрөг сэтгэл хөдлөлийн нөлөөлж буй нөлөөлөлийг судлахад гол зорилго оршино. Уг зорилгын дагуу Солонгос болон Монголын хэрэглэгчдийг харьцуулан дараах дэд зорилгын дагуу судласан болно.
Нэгт. Хэрэглэгчийн дурсамжинд тулгуурласан зар сурталчилгаа нь зар сурталчилгаанд хандах хандлага болон брэндийн талаарх хэрэглэгчдын хандлагат хэрхэн нөлөөлж буй нөлөөлөлийг судлана.
Хоёрт. Зар сурталчилгааны хандлага нь брэндийн талаарх хандлагад ямар нөлөөлөлийг үзүүлж байгааг тогтоосны дараа энэ 2 хоёр хандлага нь эргээгээд хэрэглэгчийн цааш дамжуулах бусдад санал болгох хүсэл эрмэлзлэлд хэрхэн нөлөөлж буйг судлана.
Гуравт. Нэг болон хоёрдугаар дэд зорилгот дурдсан зар сурталчилгаа, зар сурталчилгааны хандлага, брэндийн хандлага, санал болгох хүсэл эрмэлзлэлийн хоорондох харилцаанд хүйс, үнэ цэнэ(сэтгэл зүйн болон бодит), анхны хайртай холбоотой хэрэглэгчийн дурсамж, дурсамжаа эргэн санан дурсны дараах хэрэглэгчийн сэтгэл хөдлөл(эерэг болон сөрөг) нь хөндлөнгөөс ямар нөлөөлөлийг үзүүлж буйг судлана.
Дараах нь гол болон дэд зорилгууд дээр үндэслэн хийгдсэн анхдагч болон хоёрдогч судалгааг хэрэгжүүлсэн судалгааны үр дүн болно.
Нэгт. Юун түрүүнд Солонгосын судалгааны үр дүнгээс үзэхэд дурсамж нь зар сурталчилгаа болон брэндийн хандлагат эерэгээр нөлөөлсөн бол Монголын судалгааны үр дүнд дурсамж нь зар сурталчилгааны хандлагат шууд байдлаар эерэг нөлөөлөлийг үзүүлж байгаа боловч хэрэглэгчдын брэндийн талаарх хандлагат нөлөөлөх боломжгүй нь тогтоогдов. Үүнээс үүдэн Монголын хэрэглэгчдийн судалгаанд нэмэлтээр Bootstrapping судалгааг хэрэгжүүлэв. Уг нэмэлт судалгааны үр дүнд Монгол хэрэглэгчдын хувьд зар сурталчилгааны талаарх хандлага нь дурсамж болон брэндийн хандлагыг холбогч үүрэгийг гүйцэтгэдэг болохыг олж илрүүлэв.
Хоёрт. Солонгос болон Монгол хоёр улсын судалгаанаас үзэхэд зар сурталчилгаа болон брэндын хандлага нь хэрэглэгчдын бусдад дамжуулах санал болгох хүсэл эрмэлзлэлд эерэг нөлөөлөлийг нөлөөлж буй нь батлагдав. Үүн дээр үндэслэн цаашид хэрэглэгчдын дурсамжинд тулгуурласан маркетингийн стратегийг хэрэжүүлснээр дурсамжаар дамжуулан хэрэглэгчийн өнгөрсөн цаг үеийн үнэ цэнийг дахин сэргээх, хэрэглэгчийн худалдан авах сэдэлийг өдөөх маркетингийн идэвхжүүлэлтийн зардалыг бууруулах илүүтэйгээр зардал давсан ашгийг олох стратеги болох бүрэн боломжтой.
Гуравт. Америк болон Солонгосын дурсамжинд үндэслэсэн судалгаа шинжилгээны ажлаас үзэхэд хүйсны хувьд эрэгтэй хэрэглэгчээс илүү эмэгтэй хэрэглэгчид нь нөлөөлөх эерэг нөлөөлөл нь өндөр гэж гарсан байсан бол уг судалгаанд хүйсны хувьд Солонгос болон Монгол хоёр улсын хэрэглэгч нь эмэгтэйгээс илүү эрэгтэй хэрэглэгчийн хувьд дурсамж нь зар сурталчилгаа болон брэнд хандлагад нөлөөлөх эерэг нөлөөлөл нь өндөр болох нь тогтоогдсон. Өмнө судлагдсан судалгааны үр дүнгээс ялгаатай байгаа байдал нь сурталчилгааны брэндын ялгаатай байдал, эрэгтэй эмэгтэй хүний хэрэглээний ялгаатай байдал мөн тэдгээрийн амьдралын хэв маяг цаг хугацааны ялгаатай байдлаас үүдэлтэй бөгөөд хамгийн чухал шалтгаан нь тухайн сурталчилгааны ашиглаж буй хэрэглэгчдын дурсамж нь эрэгтэй болон эмэгтэй хэрэглэгчдэд тусах тусгалын ялгаатай байдалаас үүдэлтэй болохыг олж харж болно.
Дөрөвт. Дурсамжинд тулгуурласан зар сурталчилгаа идэвхжүүлэлт нэмэгдэхийн хирээр пүүс компаниудын маркетингийн менежерүүд хэрэглэгчдын дотоод хандлага, үнэ цэнийн талаарх ойлголтыг илүү мэдрэх нь хамгийн чухал. Тийм ч утгаараа тус судалгааны хэрэглэгчдын үнэ цэнэтэй холбоотой хөндлөнгийн нөлөөлөлөөс үзэхэд хэрэглэгчид нь бодит хэрэглээний үнэ цэнээс илүү сэтгэл санааны үнэ цэнэд илүү ач холбогдол өгч байгаа нь Солонгос болон Монгол хэрэглэгчдын хувьд ижил үр дүнтэй болох нь тогтоогдов. Үүнээс үүдэн маркетингийн бодлогод хэрэглэгчдын сэтгэл зүйн үнэ цэнэ сэтгэл ханамжинд төвлөрсөн идэвхжүүлэх стратеги, сегментчлэх стратегийг ашиглснаар хүссэн үр дүндээ хүрэх боломжтой. Мөн хэрэглэгчдын дурсамжинд тулгуурлан ятгалгын стратегийг маркетингийн бодлогодоо тусгах нь гайхалтай үр дүнг авчрах бүрэн боломжтой.
Тавт. Хүн болгонд янз бүрийн дурсамж байдаг харин ямар дурсамжийг ямар өнцгөөс зар сурталчилгаанд ашиглах вэ гэдгээс шалтгаалан судалгааны үр дүн оршин тогтнолт өөрчлөгдөнө. Солонгос болон Монголын судалгааны үр дүнг харвал анхны хайртай холбоотой дурсамж байхгүй хэрэглэгчээс илүү дурсамж байгаа хэрэглэгч нь зар сурталчилгаа болон брэндийн талаарх хандлагад нөлөөлөх нөлөөлөл нь өндөр гарсан. Үүнийг Braun-La Tour(2007)-ын энгийн сурталчилгаанаас илүү дурсамжинд тулгуурласан зар сурталчилгаа нь хэрэглэгчдын хандлагад эерэгээр нөлөөлнө гэсэн судалгааны үр дүнгээс батлан харах боломжтой.
Зургаат. Өмнөх бүх судалгаанд дурсамжийг зөвхөн эерэг талаас нь авч үзсэн байдаг бол уг судалгаа нь дурсамж нь зөвхөн эерэг байдаггүй сөрөг дурсамж ч байх боломжтойг гаргаж өгснөөрөө хамгийн том ялгарах онцлогтой юм. Солонгос, Монголын судалгааны үр дүнгээс үзэхэд дурсамжтай холбоотой сөрөг сэтгэл хөдлөл, мэдрэмжийн түвшин нь их байх тусмаа зар сурталчилгааны болон брэндийн талаарх хандлагад нөлөөлөх нөлөөлөл нь өндөр гарсан. Энэ нь нэмэлт судалгааны үр дүнгээс харахад сөрөг таагүй мэдрэмж нь өндөр ч гэсэн дурсамжийн өнгөрсөн цаг үед яригддаг бас нэгэн том давуу талтай холбоотой болох нь харагдсан. Өөрөөр хэлбэл хэрэглэгчид нь өнгөрсөн цаг үед болсон дурсамж нь хайртай дотны хүнээсээ салж хагацсан сөрөг сэтгэл хөдлөл ч бай аз жаргалтай хөгжилтэй байсан эерэг сэтгэл хөдлөл ч бай өнгөрсөн дурсамж гэдэг утгаараа сэтгэл хөдлөл нь харьцангуй тогтвортой байдаг гэсэн үг юм. Эерэг сэтгэл хөдлөлийн хувьд ч мөн адил сэтгэл хөдлөлийн түвшин өндөр байх тусмаа хэрэглэгчийн хандлагат эерэгээр нөлөөлөх нь батлагдсан. Иймээс дурсамжийг шинэ бүтээгдэхүүний үйлдвэрлэл, зах зээлд нэвтрүүлэх бодлогоос эхлүүлээд маркетингийн харилцаа холбоонд өргөнөөр ашиглах нь үр дүнтэй юм.
Зохиогч
Боловсролын доктор(PhD)
Бүтээлийн тоо : 1
Ишлэгдсэн тоо : 0