Дэлхий нийтээрээ даяаршиж буй энэ үед ормол үгийг хэрэглэх, журамлах, зөвлөмж боловсруулах нь орон бүр тэр дундаа монгол хэл шинжлэлийн тулгамдсан зорилтын нэг болж байна. Туйлшралаас чөлөөтэй зөвлөмж боловсруулахын тул эхлээд хэрэглэж байсан үг хэллэг, дараа нь орж ирж байга үг хэллэг, хэлц, нэр томёог сайтар судлах бодит шаардлагатай юм. Хэлний авиазүйн тогтолцоо түүнд үйлчилдэг хуулийг дүйцүүлэн үзэв. Тэр нь юуны өмнө энэхтэг-европ олон хэлэнд үйлчилдэг эгшиг авиа балархайтах, монгол хэлний эгшиг зохицох ёс, эгшиг, гийгүүлэгч авианы сэлгээ, сулрал, идэвхжих зэрэг цөөнгүй үзэгдлийг харьцуулан үзэх хэрэг гарав. Монгол хэлэнд нэгэнт орсон үгс нь дээрх судалгааны хэрэглэхүүн хэсэг болгох ёстой. Орчин цагийн монгол хэлэнд орсон харт гаралтай үгийг бүртгэн судалж, толь бичиг зохиох, хэлзүй, зөв бичихзүйг нь боловсруулах нь манай хэл шинжлэлийн хойшлуулшгүй чухал зорилт болж байна.