Ерөнхий боловсролын түвшинд англи хэлний сургалтын онцлог, түүний дотор суралцагчдын танин мэдэх, англи хэл сурах үйл явцын сурган сэтгэл зүйн асуудал өмнө нь судлагдаагүй тул энэхүү ажилд англи хэлний сургалтын онол, арга зүйн асуудлыг боловсруулан цэгцлэх оролдлого хийсэн болно. Англи хэлний сургалтын явцад суралцагчдад хэлний хэрэглээний мэдлэг эзэмших үйл явцыг зохион байгуулах арга хэлбэрийг өөрчлөн томъёолж англи хэл сурах хэв шинж, арга барилын ангилалыг дэвшүүлсэн билээ. Нэгдүгээр хэл буюу төрөлх хэл, хоёрдугаар хэл буюу гадаад хэл эзэмших үйл явцыг харьцуулан, гадаад хэл эзэмшихэд нөлөөлөх хүчин зүйлийг сургалтад харгалзах хэлээр багш, сурагчдын анхаарлыг хандуулсан.