Анагаахын оюутны мэдлэг чадварын үнэлгээг боловсронгуй болгох нь
Салбар : Нийгмийн шинжлэх ухаан
Улсын дугаар : 1831
Хамгаалсан он : 2003
Түлхүүр үг : Олон хувилбарт сорил, Кудер-Ричардсоны коэффициент, ялгах индекс, сорилын дүн шинжилгээ, найдвартай байдал
Аннотаци
Анагаах ухааны боловсрол судлалын салбарт суралцагчийн мэдлэг чадварыг үнэлэх тогтолцоог боловсронгуй болгох, түүн дотроо шалгалтын сорил даалгаврын найдвартай байдал, хүчин төгөлдөр байдлыг АУИС-ийн анагаахын ангийн төгсөлтийн шалгалтын материал дээр судлан тогтоох зорилгоор энэхүү судалгаа хийгдсэн. Судалгаа нь шалгалтын сорил даалгаврын хүнд хөнгөний зэрэг, ялгах индекс, тэдгээрийн хамаарал, найдвартай байдлыг судлан тогтоон үнэлгээ өгснөөрөө шинэлэг юм. Судалгаанд тодорхойлон бичих, харьцуулан судлах аргыг ашиглав. Судалгаагаар шалгалтын сорил даалгаврын хүнд хөнгөний зэрэг дээгүүр, дадлагын шалгалтын найдвартай байдал доогуур, эргэн санах түвшний сорил давамгайлсан, онолын мэдлэгийг практик үйл ажиллагаанд хэрэглээ болгох чадвар сул, сорилыг урьдчилан, зөв хариутай нь тараасан сангаас сонгон авдаг нь үнэлгээнд сөргөөр нөлөөлж байгааг тогтоосон.
Зохиогч
