Судалгааны ажлын шинэлэг тал, онолын ач холбогдол:
Хүнцлийг, агуулгын өргөн мужид атом шингээлтийн аргаар тодорхойлох боломжийг тогтоох судалгаа манай орны хувьд анх удаа хийгдсэн. Их агуулга (ррт) -тай хүнцлийг тодорхойлох дөлийн атом шингээлтийн арга, бага агуулга (ррЬ) -тай хүнцлийг гидрид нэгдэлд шилжүүлэн дөлөн болон зуухан атомчлагч ашиглан годорхойлох гидридийн атом шингээлтийн арга гэсэн үнэмшилт чанар, нарийвчлал сайтай атом шингээлтийн аргууд боловсрогдсон.
Үүний дүнд:
• Геологийн дээжин дэх хүнцлийг, агуулгын өргөн мужид тодорхойлох атом шингээлтийн хувилбарт арга манай орны хүнцлийн судалгаанд нэвтэрнэ.
• Ашигт малтмалын олборлолт, антропоген хүчин зүйлийн нөлөөгөөр хүрээлэн буй орчинд үүсэх хүнцлийг биот болон байгаль орчинд халгүй болгох арга, технологи боловсруулах судалгааны шаардлагатай мэдээллийн санг бүрдүүлэхэд туршилт судалгааны арга болно.
• Байгаль орчин дахь хүнцлийн шилжилт хөдөлгөөн, тэдгээрт байнгын үнэлгээ хийхэд таатай боломж бүрдэн судалгааны мэдээллийн сан өргөжинө.