Диссертацийн ажилд дараах хэд хэдэн шинэлэг талууд байгаа болно.
1. Амьтны нэмэгдэл жинг тооцсон бэлчээрийн системийн шугаман бус загваруудыг шинээр зохиож, ямар үед тогтворжих, ямар үед сүйрлийн нугалаас болон хуниас маягын хэлбэрүүд үүсэх, ямар үед хязгаарын хэлбэлзэл үүсэх талаар чанарын шинжилгээг хийж критик утгуудыг тогтоосон.
2. Нэгэн төрлийн биологийн бүлийн биомассын динамикийг харуулсан бутархай хэлбэрийн дискрет загварыг шинээр томъёолж, параметрээс нь хамааруулан бүрэн шинжилсэн болно. Параметрийн утгуудыг өөрчлөхөд нэг хувьсагчтай дискрет буулгалтуудын аттаракторуудын бүх динамик шинж чанаруудыг гарган авч болохыг тогтоосон.
3. Бэлчээрийн системд эргэлдэж байгаа биомассийн нийт хэмжээг С тогтмол тоотой тэнцүү гэж үзээд (ялзмаг+өвсны биомасс+өвсөн тэжээлтний биомасс+араатны биомасс=C) бэлчээрийн системийн босоо шүтэлцээний 4 хэмжээст битүү загварыг зохиож, үүний дүнд өвс ногоо бий болох, өвсөн тэжээлтэн болон араатан бий болох С-ийн критик утгыг олж тогтоосон.
4. Фазын зураглалыг гаргахдаа сүүлийн үеийн компьютерийн программ хангамжууд болон системийн динамик загварчлалын аргыг сонгомол онолын судалгаатай хослуулан ашигласан.