Диссертацийн ажлаар электрон сургалтын хүрээнд гарч ирэх олон асуудлаас электрон сургалт зохион байгуулахад ашиглах үндсэн хэрэглэгдэхүүн болох ЭСБ бүтээх онол, арга зүйн үндэслэлийг системтэйгээр авч үзэж хэрэгжүүлэх,турших ажлыг дээд боловсролын хүрээнд хийсэн. Энэхүү судалгааны ажил нь оршил, 2 бүлэг, Нэгдсэн дүгнэлт, номзүй, хавсралт гэсэн бүтэцтэй нийт 144 хуудас ажил болно. Ажил нь 31 хүснэгт, 31 зураг, схем, диаграмм болон мультимедиа интерактив боломж бүхий электрон сурах бичгээс бүрдэж байна. Судалгааны ажлын үр дүнг олон улсын, улсын болон МУБИС-ийн эрдэм шинжилгээний хурал, сургалт семинарт 20 гаруй удаа хэлэлцүүлж, 2 хамтарсан ном,10 гаруй сургалт семинарын материал, эрдэм шинжилгээний өгүүлэл нийтлүүлсэн.