Буддын сургаал, ялангуяа дээд тарний ёсны үзэл дорно дахины ард түмний оюуны бүтээл болон уламжлагдаж, Монгол орноо өргөн дэлгэрч монголын ард түмний сэтгэлгээнд хүчтэй нөлөөлсөн юм. Нууц тарний ёсны судлал орчин үед гүнзгий хөгжих эхлэл тавигдаж, түүний онол сургаал дорно дахины философи сэтгэлгээний эрт эдүгээгийн шилдэг ололт болон уламжлагджээ. Энэ нь монголын философи сэтгэлгээний түүхийг боловсруулахад чухал ач холбогдолтойн дээр түүний соёлын өв санг судалж, нийгэм соёлын байгууллагуудад бүтээлчээр хэрэглэх нь практик аргазүйн ач холбогдолтой юм.