Нүүрсний уурхайд ажиллагсдын ажлын байрны тоосжилт, мэргэжлээс шалтгаалах өвчлөлд хийсэн судалгаа
Салбар : Анагаах ухаан, эрүүл мэндийн шинжлэх ухаан
Улсын дугаар : 1888
Хамгаалсан он : 2006
Түлхүүр үг : Нүүрсний тоос, цахиурын давхар исэл, тоослогийн шалтгаант өвчлөл
Аннотаци
Мэргэжлээс шалтгаалах өвчлөл хамгийн их тохиолддог, хөдөлмөрийн тохиромжгүй нөлөөтэй боловч ажиллах хүчний ихэнх нь ажилладаг уул уурхайн үйлдвэрлэлийн салбар дахь мэргэжлээс шалтгаалах өвчлөлийн тохиолдол, хөдөлмөрийн нөхцлийг нарийвчлан судалж, үндэсний түвшинд тоослогийн шалтгаант өвчлөлийн тохиолдлыг бууруулах, силикоз өвчнийг устгахад чиглэсэн хөтөлбөрийг боловсруулах шаардлагатай байгаа юм. Манай оронд нүүрсний уурхайн тоос, тэнд ажиллагсдын эрүүл мэндэд үзүүлэх нөлөөг судалсан дорвитой судалгааны ажил хийгдээгүй, тоосны стандарт бусад улс орныхоос нэлээд дээгүүр, тоосны нөлөөг тогтоодог гол үзүүлэлт болох нарийн ширхэгтэй тоос, түүнд агуулагдах цахиурын давхар исэл, кристобалит, тридимит зэргийг тодорхойлох батлагдсан стандарт, аргачлал байхгүй байна. Мөн ДЭМБ, ОУХБ (1997) тоослогийн шалтгаант өвчлөлөөс урьдчилан сэргийлэх, багасгах, ялангуяа силикоз өвчний тохиолдлыг бууруулах, устгахад онцгой анхаарч "Дэлхий нийтээрээ силикозыг устгах" хөтөлбөрийг гаргаж, уг хөтөлбөрийн хүрээнд улс орон бүхэн Үндэсний хөтөлбөр боловсруулж, 2010 он гэхэд силикозын тохиолдлыг бууруулах, 2030 он гэхэд силикозыг бүрэн устгах зорилго тавьсан.
Зохиогч
