Потаниний хотирын биологийн идэвх нь түүнд агуулагдаж байгаа микроэлемент болох селен, ханаангүй тосны хүчил болох линол, линолен, арахидоний хүчил болон флавоноид нэгдлүүдээр нөхцөлддөг байж болохыг илрүүллээ.Потаниний хотирын бэлдмэл хорон чанар багатай, эмчилгээний хүрээ өргөнтэй, бие махбодид хуримтлагддаггүй, удаан хугацаагаар хэрэглэхэд үзүүлэх сөрөг нөлөөгүй байна. Потаниний хотирын газрын дээрх хэсгээс бэлтгэсэн бэлдмэл нь элэгний хурц, хурцавтар, архаг явцтай үрэвслийн үед элэгний эсийн зардал, гэмтлийг багасгах ӨХИП- ийг бууруулах үйлдэл үзүүлдэг байна. Потаниний хотирын газрын дээрх хэсгээс бэлтгэсэн бэлдмэл нь элэгний эмгэгийн суурин дээр шээс хөөх, асцитийн эсрэг үйлдэл үзүүлдэг нь нотлогдлоо.