Эхийн сүүний уургийн аминхүчлийн найрлага, дархлал судлалын шинж чанар
Салбар : Анагаах ухаан, эрүүл мэндийн шинжлэх ухаан
Улсын дугаар : 502
Хамгаалсан он : 1992
Түлхүүр үг : эхийн сүү, аминхүчлийн найрлага, иммуноглобулиний түвшин
Аннотаци
Монгол эхчүүдийн хөхний сүүний уураг, аминхүчлийн найрлага, иммуноглобулины (A,M,G) түвшинг тогтоожээ. Эдгээр үзүүлэлтүүдийг хоол, хүнс, төрөлтийн тоо, нийгмийн байдал, нас, ажил мэргэжил, жилийн улирал зэрэг нөлөөлөх хүчин зүйлстэй холбон судалж хийжээ. Эхийн сүүний уураг, аминхүчил, иммуноглобулиныг төрсний дараах хугацаанаас хамааруулан (ангир, уураг, сүү, завсрын найрлагатай сүү, гүйцэд найрлагатай сүү) судалж эхний 3 хоногтой буюу ангир уураг сүүнд нийт уураг, орлуулагдашгүй аминхүчлүүд, ялангуяа иммуноглобулин А хамгийн өндөр агууламжтай байгааг тогтоож хүүхдийг аль болох эрт төрсөн даруйд нь амлуулахыг зөвлөжээ. Монгол эхийн сүүнд глутамины, аспарагины хүчлүүд, пролин, лейцин, лизин зэрэг нь ахиу, харин метионин, гистидин, глицин бага хэмжээтэй байгааг тогтоожээ. Мөн таван хошуу малын сүүний уураг, аминхүчлийн найрлагатай харьцуулан дүгнэлт хийсэн байна.
Зохиогч
