Монгол хэл дээр: Уг диссертацийн ажилд Монголын их дээд сургуулийн улс төр судлалын мэргэжлийн бус ангийн сургалт хэрхэн явагдаж байгаа, ямар онцлогтой зэргийг судалж үзсний үндсэн дээр “Улс төр судлал”-ын сургалтын хөтөлбөрийг шинэчлэх хувилбар боловсруулан туршиж, үр дүнг тодорхойлсон болно.
“Сургалтын агуулгын шинэчлэлийн онол, арга зүйн үндэс” нэгдүгээр бүлэгтээ сургалтын агуулга, хөтөлбөрийн талаарх орчин үеийн онол, үзэл баримтлал, хандлага, сургалтын хөтөлбөр боловсруулах арга зүй зэргийг авч үзсэн. Мөн зарим орны их дээд сургуулийн мэргэжлийн бус ангийн улс төр судлалын сургалтын агуулга, хөтөлбөрийг харьцуулан судалсан судалгааг оруулсан.
“Мэргэжлийн бус ангийн улс төр судлалын сургалтын агуулга, хөтөлбөрийг шинэчлэх нь” бүлэгтээ судалгаа явуулсан арга, аргачлал, судалгааны явц, дүн шинжилгээ, үзүүлэлтүүдийг багтаасан болно. Түүнчлэн Монголд улс төрийн сургалт явуулж ирсэн түүхэн онцлогийг архивын эх сурвалжид үндэслэн судлахын зэрэгцээ их дээд сургуульд зааж буй улс төр судлал хичээлийн өнөөгийн байдал, сургалтын хөтөлбөр, агуулгыг цогц байдлаар авч үзэн дүн шинжилгээ хийсэн.
Боловсролын доктор(PhD)
Бүтээлийн тоо : 1
Ишлэгдсэн тоо : 0