Бөөрөнхий сонгины /Allium cepa L/ сорт сонголт, үрслэгээр ургуулж, үр үржүүлэх шинэ технологи
Салбар : Хөдөө аж ахуйн (ХАА) шинжлэх ухаан
Улсын дугаар : 2301
Хамгаалсан он : 2008
Түлхүүр үг : ургац, бордоо, жин, хуурай бодис, сахар
Аннотаци
Бөөрөнхий сонгины сорт сонголт, үрслэгээр ургуулж, үр үржүүлэх шинэ технологи сэдэвт судалгааны 2002-2006 онуудын дүнг үндэслэн дараах ерөнхий дүгнэлт хийж байна. Үүнд:
1. Судалгааны 3 жилийн дүнгээр Super Star hybrid сорт
419.6 ц/га буюу хяналт сортоос
74.4 ц/га таваарын ургац ихтэй шалгарлаа. Өвчин, хортонд тэсвэртэй, амтлаг сорт. Салат, зууш амтлах, хачирлахад тохиромжтой.
2. Булцуунд агуулагдах биохимийн дүнгээр Giza-20 сорт хуурай бодис, сахар, Ранний желтый сорт С амин дэм их агуулж, нутагшсан Бессоновский сорт аагтай, хадгалалтанд маш тэсвэртэй гэсэн үнэлгээ авч шалгарав.
3. ГТТБүсэд бөөрөнхий сонгиныг шинэ технологиор хүйтэн дарлаганд үрийг 4-р сарын 10-15-нд тариалж үрслэг бойжуулан тариалах нь ашигтай, эхний жилдээ
348.3-
370.4 ц/га таваарын ургацыг хугацаа хожин, хямд төсөр аргаар таваарын сонгино ургуулах бүрэн боломжтой байгааг тогтоолоо. Ризобактерийн бордоогоор бордоход үрслэгийн амьдралт
4.3 %-иар, ургац
5.8 %-иар, таваарын сонгины булцууны жин
18.7 г-аар тус тус нэмэгдлээ.
4. Нутагшсан Бессоновский сортын эх ургамлыг шинэ технологиор 2 дахь жилд 5-р сарын 1-5-нд тариалахад тарьснаас хойш 125-130 хоногийн дараа
5.2-
6.0 ц/га үрийн ургацыг ГТТБүсэд авах боломжийг илрүүлэв.
5. Бөөрөнхий сонгиныг эхний жилд үрслэгээр тариалах нь төлөөр 2 дахь жилд нь тариалснаас
5.1 сая төгрөгийн бага зардал гарч, 1 ц бүтээгдэхүүний өөрийн өртөг
14.0 мянган төгрөгөөр бага байна. Шинэ технологиор үрийг 2 дахь жилд нь үржүүлэхэд
2.7 сая төгрөгийн цэвэр ашгийг 1 га талбайгаас олох боломжтой байна.
Зохиогч
